காணாமல்போன கல்லூரி மாணவன் காட்டிற்குள் சடலமாக கண்டுபிடிக்கப்பட்டான் ? அதிர்ச்சியில் கல்லூரி மாணவர்கள்!….

யாழ் பல்கலைக்கழக மாணவன் பாலசுப்பிரமணியம் தர்மிலன் இன்று காட்டுப் பகுதியிலிருந்து சடலமாக மீட்கப்பட்டுள்ளார். மாணவன் நேற்றைய தினம், தடி வெட்டுவதற்காக காட்டுப்பகுதிக்குச் சென்றிருந்த நிலையில் காணாமல் போயிருந்தார். அந்த மாணவருக்கு வயது 23 . அப்பகுதி இளைஞர்கள், அதிரடிப்படையினருடன் இணைந்து மேற்கொண்ட பல்வேறு தேடுதலின் பின்னர் இன்று முற்பகல் மாணவன் காட்டிற்குள்ளிருந்த மண் அகழப்பட்ட குழி ஒன்றிலிருந்து சடலமாக மீட்கப்பட்டுள்ளதாக போலிஸார் தெரிவித்துள்ளனர்.

காட்டிற்குள் கிரவல் வெட்டப்பட்ட கிடங்குக்குள் தண்ணீர் தேங்கிய பகுதிக்குள் வீழ்ந்து இளைஞன் உயிரிழந்திருக்கலாம் என்று போலிசாரின் ஆரம்பக்கட்ட விசாரணைகளில் தெரியவந்துள்ளது. பிரேத பரிசோதனைக்கு பினபு. சடலம் நீதவானின் வருகையின் பின்னர் மருத்துவ சோதனைக்காக வைத்தியசாலைக்கு அனுப்பி வைக்கப்படவுள்ளதுடன் கனகராயன்குளம் பொலிஸார் மேலதிக விசாரணைகளை மேற்கொண்டு வருகின்றனர்.

வவுனியா – கனகராயன்குளம்போலிஸ் பிரிவிற்கு உட்பட்ட குறிசுட்டகுளம் பகுதியில் இளைஞர் ஒருவர் காணாமல்போயுள்ளதாக தெரிவிக்கப்படுகின்றது. இளைஞர் நேற்று காலை 7.30 மணியளவில் குறிசுட்ட குளம் பகுதியில் அமைந்துள்ள அவரது வீட்டிலிருந்து தடி வெட்டுவதற்காக காட்டுப்பகுதிக்கு சென்றுள்ளார்.

எனினும் நீண்ட நேரமாகியும் அவர் வீடு திரும்பாத நிலையில் அவரது பெற்றோர்களால் கனகராயன்குளம் போலிஸ் நிலையத்தில் புகார் கொடுத்துள்ளனர். இளைஞர் சென்ரதாக கூறப்பட்ட காட்டு பகுதியில் இளைஞர்கள் மற்றும் பொலிஸார் தீவிர தேடுதல் நடத்தியிருந்த நிலையில் நேற்று இரவு 11 மணிவரை அவர் தொடர்பில் எவ்வித தகவலும் தெரியவில்லை என கூறப்படுகிறது.