“விஜய்க்கும் அந்த நடிகைக்கும்…” விவாகரத்து மனுவில் சங்கீதா வெடித்த குண்டு…!இடைத்தேர்தலில் குதிக்கிறாரா திரிஷா…!”திரிஷா வந்தா உங்களுக்கு என்ன பிரச்னை?” – விஜய் விவகாரத்தில் நெத்தியடி கேள்வி எழுப்பிய ஜோதிடர் ஷெல்வி…!

தமிழ்நாடு சட்டப்பேரவைத் தேர்தல் முடிவடைந்து, தமிழக வெற்றிக் கழகத்தின் தலைவர் சி.ஜோசப் விஜய் மற்ற கட்சிகளின் ஆதரவோடு முதலமைச்சராகப் பதவியேற்று இரண்டு வாரங்கள் ஆகியுள்ள நிலையிலும், அவரது தனிப்பட்ட வாழ்க்கை மற்றும் நடிகை திரிஷாவுடனான நட்பு குறித்த விவாதங்கள் பொதுவெளியில் இன்னும் ஓய்ந்தபாடில்லை. தேர்தல் நடப்பதற்கு சில மாதங்களுக்கு முன்பு, அதாவது கடந்த பிப்ரவரி மாதம் விஜய்யின் மனைவி சங்கீதா விவாகரத்து மனு தாக்கல் செய்ததாகக் கூறப்பட்ட தகவல் பெரும் பரபரப்பை ஏற்படுத்தியது. அந்த மனுவில், தனக்கு விவாகரத்து வேண்டும் என்றும், தனது கணவர் ஒரு பிரபல நடிகையுடன் திருமணத்தை மீறிய உறவில் இருக்கிறார் என்றும் அவர் குறிப்பிட்டதாக வெளியான செய்தி அரசியல் மற்றும் திரைத்துறையில் பெரும் புயலைக் கிளப்பியது.

மனைவியின் குற்றச்சாட்டு மற்றும் நடிகை திரிஷாவுடனான கிசுகிசுக்கள் அனைத்தும் சேர்ந்து தேர்தல் களத்தில் விஜய்க்குப் பின்னடைவை ஏற்படுத்தும் என்று பல அரசியல் விமர்சகர்கள் கணித்தனர். ஆனால், அத்தனையையும் தவிடுபொடியாக்கி, விஜய்யின் தவெக கூட்டணி மொத்தம் 108 தொகுதிகளில் வென்று சாதனை படைத்தது. விஜய்யும் தான் போட்டியிட்ட இரண்டு தொகுதிகளிலும் கணிசமான வாக்குகள் வித்தியாசத்தில் அமோக வெற்றி பெற்று, சில வாரங்களுக்கு முன்பு தமிழ்நாட்டின் முதலமைச்சராக அரியணை ஏறினார். இத்தகைய அரசியல் திருப்பங்களுக்கு மத்தியிலும், தயாரிப்பாளர் ஏஜிஎஸ் வீட்டு திருமண விழாவிற்கு விஜய்யும் திரிஷாவும் ஒரே நிறத்தில் ஆடை அணிந்து ஜோடியாக வந்திறங்கியது போன்ற நிகழ்வுகள் மக்கள் மத்தியிலான தேடலைத் தொடர்ந்து தக்கவைத்தே வைத்திருந்தன.

சமீபத்தில் நடைபெற்ற முதலமைச்சர் விஜய் அவர்களின் பதவியேற்பு விழாவில், அவரது குடும்பத்தினர் யாரும் கலந்து கொள்ளாத நிலையில், நடிகை திரிஷாவும் அவரது தாயார் உமாவும் வருகை தந்திருந்தது அனைவரின் கவனத்தையும் ஈர்த்தது. அவர்களுக்கு விழா மேடையின் முதல் வரிசையிலேயே இருக்கைகள் ஒதுக்கப்பட்டிருந்தன. விஜய் முதலமைச்சராகப் பதவியேற்று மேடையில் உரையாற்றியபோது, அதைக் கேட்டுக்கொண்டிருந்த திரிஷா மிகுந்த உணர்ச்சிவசப்பட்டு கண்கள் கலங்கிய வீடியோ சமூக வலைத்தளங்களில் பயங்கர ட்ரெண்டானது. மேலும், விஜய் தான் வெற்றி பெற்ற திருச்சி கிழக்கு தொகுதியை ராஜினாமா செய்துள்ளதால், அங்கு நடக்கவிருக்கும் இடைத்தேர்தலில் தவெக சார்பில் திரிஷா களம் இறக்கப்படலாம் என்ற பலத்த வதந்தியும் தற்போது அரசியல் வட்டாரத்தில் உலா வருகிறது.

இவர்கள் இருவருக்குள்ளும் இருப்பது வெறும் நட்பு தானா அல்லது அதையும் தாண்டிய உறவா என்ற கேள்விகள் சமூக வலைத்தளங்களில் விவாதிக்கப்பட்டு வரும் நிலையில், பிரபல ஜோதிடர் ஷெல்வி இது குறித்துப் பேசி பரபரப்பைக் கூட்டியுள்ளார். அவர் அளித்த பேட்டியில், “விஜய் பதவியேற்பு விழாவுக்கு திரிஷா வந்ததில் என்ன தவறு இருக்க முடியும்? பத்தாயிரம் பேர் கலந்து கொண்ட ஒரு பொது நிகழ்ச்சியில், விஜய்யுடன் பல வருடங்களாகத் தோழியாக இருக்கும் திரிஷா வந்ததை ஏன் இவ்வளவு பெரிதாக்குகிறார்கள்? பெர்சனல் விஷயங்கள் ஆயிரம் இருந்தாலும், திரிஷா வரக்கூடாது என்றோ, அவருக்குக் கட்சியில் பொறுப்பு கொடுக்கக் கூடாது என்றோ சொல்வதற்கு மற்றவர்களுக்கு எந்த உரிமையும் இல்லை” என்று திரிஷாவிற்கு ஆதரவாகத் தனது கருத்துக்களைப் பதிவு செய்துள்ளார்.