என் மகளைக் கொன்னுட்டாங்க..!” மின்மாற்றி அருகே 17 வயது சிறுமி சடலம்.. காலில் இருந்த ‘அந்த’ தடங்கள்… இருட்டில் தப்பியோடிய மர்ம நபர்.. கதறும் பெற்றோர்..!!

தெலுங்கானா சூர்யாபேட்டை மாவட்டம், ஆத்மகூர் மண்டலத்திற்கு உட்பட்ட ஈபூரு போடதாண்டா கிராமத்தில் 17 வயது சிறுமி ஒருவர் மர்மமான முறையில் உயிரிழந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது. நள்ளிரவில் சிறுமியைக் காணாமல் அவரது குடும்பத்தினர் தேடிக் கொண்டிருந்தபோது, கிராமத்தில் உள்ள ஒரு மின்மாற்றி அருகே அவரது உடல் கண்டெடுக்கப்பட்டது. மேலும், சிறுமியின் உடல் மீது ஏதோ வாகனம் ஏறியது போன்ற காயங்கள் அவரது கால்களில் காணப்படுகின்றன. குடும்பத்தினர் தேடிக் கொண்டிருந்த அந்த நள்ளிரவு நேரத்தில், சிறுமியின் உடல் இருந்த இடத்திலிருந்து அடையாளம் தெரியாத நபர் ஒருவர் தப்பியோடியதாகக் கூறப்படுகிறது.

இந்தச் சம்பவம் திட்டமிட்ட கொலை என்று சிறுமியின் குடும்பத்தினர் குற்றம் சாட்டுகின்றனர். விபத்து நடந்த இடத்தின் அருகே கடந்த இரவு முதல் வாலிபர் ஒருவரின் இருசக்கர வாகனம் நிறுத்தப்பட்டிருந்ததால், அந்த வாலிபர் மீது சிறுமியின் தந்தை பலத்த சந்தேகம் எழுப்பியுள்ளார். சிறுமியின் இந்த மர்ம மரணம் விபத்தா அல்லது கொலையா என்ற கோணத்தில் போலீசார் தீவிர விசாரணை நடத்தி வருகின்றனர். போலீசாரின் முழுமையான விசாரணைக்குப் பிறகே இந்த துயர சம்பவத்தின் பின்னணியில் உள்ள முழு உண்மையும் வெளிச்சத்திற்கு வரும்.