“இரண்டே நிமிடத்தில் எல்லாமே முடிஞ்சிடும்”.. வித்தியாசமான கதை களத்துடன் இயக்குனரான அருவி மதன்… படம் எப்போ ரிலீஸ் தெரியுமா.??

தமிழ் சினிமாவில் அருவி திரைப்படத்தில் வித்தியாசமான கதாபாத்திரத்தில் நடித்து தன்னுடைய நடிப்பால் ரசிகர்களை கவர்ந்தவர் தான் நடிகர் மதன். இந்த திரைப்படத்திற்கு பிறகு அனைவரும் இவரை அருவி மதன் என்று தான் அழைத்து வருகிறார்கள். அதனைத் தொடர்ந்து கர்ணன், அயலி, துணிவு, அயோத்தி மற்றும் மாவீரன் என தொடர்ந்து பல திரைப்படங்களில் நடித்து வந்த இவர் தற்போது நூடுல்ஸ் என்ற திரைப்படம் மூலம் இயக்குனராகியுள்ளார்.

ரோலிங் சவுண்ட் பிக்சர்ஸ் சார்பாக அருண் பிரகாஷ் தயாரித்துள்ள இந்த திரைப்படத்தில் ஹரிஸ் உத்தமன் கதாநாயகனாக நடித்துள்ளார். மேலும் இந்த திரைப்படத்தில் ஷீலா ராஜ்குமார், ஆலியா மற்றும் திருநாவுக்கரசு உள்ளிட்ட பலரும் முக்கிய கதாபாத்திரத்தில் நடித்துள்ளனர். வி ஹவுஸ் ப்ரொடக்ஷன் நிறுவனம் மூலமாக இந்த திரைப்படத்தை சுரேஷ் காமாட்சி வெளியிடுகின்றார். இந்தத் திரைப்படம் வருகின்ற செப்டம்பர் 1ஆம் தேதி வெளியாக உள்ள நிலையில் இந்த திரைப்படம் பற்றி அறிவு மதன் சில தகவல்களை பகிர்ந்துள்ளார்.

அதாவது இரண்டே நிமிடங்களில் பரிமாறக்கூடிய உணவு நூடுல்ஸ், இப்படி இரண்டு நிமிடங்களில் நம்முடைய வாழ்க்கையை மாற்றக்கூடிய சம்பவங்கள் பலருக்கும் தற்போதும் நடந்து கொண்டுதான் இருக்கின்றது. இதை மையமாகக் கொண்டுதான் இந்த திரைப்படம் உருவாகியுள்ளது என்று அவர் தெரிவித்துள்ளார்.