மீண்டும் குக் வித் கோமாளி செட்டிற்குள் என்ட்ரி கொடுத்த ‘அந்த’ 4 ஸ்டார்கள்…”டிஆர்பி-யை எகிற வைக்க விஜய் டிவி போட்ட ‘மாஸ்டர் பிளான்’! இந்த வாரம் வரப்போகும் அந்த சீனியர் யார் தெரியுமா?…

விஜய் தொலைக்காட்சியின் ஆகச்சிறந்த பொழுதுபோக்கு நிகழ்ச்சியான ‘குக் வித் கோமாளி’ (சீசன் 7) தற்பொழுது விறுவிறுப்பான கட்டத்தை எட்டியுள்ளது. ஆரம்பத்தில் எவ்வித ஆரவாரமும் இன்றி தொடங்கப்பட்ட இந்த நிகழ்ச்சி, அடுத்தடுத்த சீசன்களில் மக்கள் மத்தியில் மாபெரும் வரவேற்பைப் பெற்று டாப் ரியாலிட்டி ஷோவாக உருவெடுத்தது. கடந்த ஐந்தாவது சீசனில் தயாரிப்பு நிறுவனம் மற்றும் நடுவர் வெங்கடேஷ் பட் ஆகியோர் வெளியேறியது ரசிகர்களுக்கு அதிர்ச்சியை ஏற்படுத்தினாலும், புதிய நடுவர்களாக மாதம்பட்டி ரங்கராஜ், மேட் செஃப் கௌஷிக், நடிகை ரோஜா ஆகியோர் இணைந்து நிகழ்ச்சியைத் தொய்வில்லாமல் நகர்த்திச் செல்கின்றனர். நடப்பு சீசனில் கணவன்-மனைவி ஜோடிகள் மற்றும் சில புதிய முகங்கள் குக்-குகளாகக் களம் இறங்கி அசத்தி வருகின்றனர்.

சமீப வாரங்களில் பிரபல நகைச்சுவை நடிகை நிஷா மற்றும் யூடியூப் பிரபலம் ‘ஆமாவா சாந்தா’ ஆகியோர் எலிமினேட் செய்யப்பட்டு வெளியேறியுள்ள நிலையில், இந்த வார எபிசோட் குறித்த எதிர்பார்ப்பு பல மடங்கு அதிகரித்துள்ளது. அதற்கு முக்கியக் காரணம், இந்த வாரம் வரவிருக்கும் சமையல் போட்டி ‘சீனியர் VS ஜூனியர்’ என்ற சுவாரசியமான கான்செப்ட்டில் அமையவுள்ளது. இதில் கலந்துகொள்வதற்காகக் கடந்த சீசன்களில் கலக்கிய பழைய கோமாளிகளும், குக்-குகளும் மீண்டும் இந்த வார எபிசோடிற்குள் என்ட்ரி கொடுக்கவுள்ளனர்.

அந்த வகையில், இந்நிகழ்ச்சியின் முன்னாள் நட்சத்திரங்களான உமைர், ஷபானா, மதுமிதா மற்றும் பிக் பாஸ் டைட்டில் வின்னர் ராஜூ ஆகியோர் இந்த வாரம் சிறப்பு விருந்தினர்களாகக் களம் இறங்குகின்றனர். பொதுவாகவே ராஜூ கலந்துகொள்ளும் நிகழ்ச்சிகளில் டைமிங் காமெடிகளுக்கும் லொள்ளுகளுக்கும் பஞ்சம் இருக்காது என்பதால், இந்த வார ‘குக் வித் கோமாளி’ எபிசோட் வயிறு குலுங்க வைக்கும் நகைச்சுவை விருந்தாக அமையும் என்பதில் சந்தேகமே இல்லை.