அண்ணனாக இருக்கேன்… சீர் கொடுக்கிறேன்னு சொல்லி பெண்களை ஏமாத்துனது போதும்… விஜய்யின் அண்ணன்’ பாசத்திற்கு கனிமொழியின் அரசியல் பதிலடி..!!

பெண்களுக்கு எதிரான குற்றங்கள் குறித்த கேள்விக்கு திமுக நாடாளுமன்ற உறுப்பினர் கனிமொழி அளித்த பதில், தமிழக அரசியல் தளத்தில் பெரும் விவாதத்தை ஏற்படுத்தியுள்ளது. “அண்ணனாக இருக்கிறேன், சீர் கொடுக்கிறேன் என்று சொல்லி பெண்களை ஏமாற்றியது போதும்; முதலில் உங்களுடைய கடமையைச் செய்யுங்கள்” என்று அவர் தற்போதைய ஆட்சி அதிகாரத்தில் உள்ளவர்களைச் சாடியுள்ளார்.

மேலும், காவல்துறை தனது கடமையைச் சரியாகச் செய்ய வேண்டும் என்று வலியுறுத்தியுள்ள கனிமொழி எம்.பி., காவல்துறையில் நிர்வாகத் திறனை வளர்த்துக் கொள்ள வேண்டும் என்றும் அறிவுறுத்தியுள்ளார். தமிழக வெற்றிக் கழகத்தின் தலைவர் விஜய், தவெக மாநாட்டுப் பந்தல் கால்கோள் விழாவின் போது பெண்களுக்கு அண்ணனாகப் பாதுகாப்பு அளிப்பதாகக் குறிப்பிட்டிருந்த நிலையில், கனிமொழியின் இந்த ‘அண்ணன்’ மற்றும் ‘சீர்’ குறித்த விமர்சனம் விஜய்யை மறைமுகமாகத் தாக்குவது போல் அமைந்துள்ளதாக அரசியல் விமர்சகர்கள் கருதுகின்றனர்.

பெண்களின் பாதுகாப்பு என்பது வெற்று வார்த்தைகளில் இல்லை என்பதைச் சுட்டிக்காட்டியுள்ள அவர், சட்ட ஒழுங்கையும் நிர்வாகத் திறமையையும் வலுப்படுத்துவதே பெண்களுக்கு எதிரான குற்றங்களைத் தடுக்க சரியான வழி என்றும் தெளிவுபடுத்தியுள்ளார்.