LATEST NEWS
2 மணி நேர மின்னல் வேகத் தாக்குதல்…! அமெரிக்க CENTCOM நடத்திய அதிரடி பதிலடித் தாக்குதல்..!!
அமெரிக்க நிலைகளை குறிவைத்து ஈரான் நடத்திய திடீர் ஏவுகணை தாக்குதலுக்கு பதிலடி கொடுக்கும் விதமாக, ஈரான் மீது நீண்ட நேர தீவிர வான்வழித் தாக்குதலை வெற்றிகரமாக நிறைவு செய்து இருப்பதாக அமெரிக்கா அறிவித்துள்ளது. முன்னதாக ஈரான் நடத்திய ஏவுகணைத் தாக்குதல்களை அமெரிக்க பாதுகாப்பு அமைப்புகள் வெற்றிகரமாக இடைமறித்து அழித்ததால், அமெரிக்க தளங்களுக்கு எந்தவொரு சேதமும் உயிரிழப்புகளும் ஏற்படவில்லை என்று அமெரிக்க பாதுகாப்பு அதிகாரிகள் உறுதிப்படுத்தியுள்ளனர்.
அமெரிக்க மத்திய கட்டளைப் பீடம் வெளியிட்டுள்ள அதிகாரப்பூர்வ தகவலின்படி, ஈரானின் முக்கிய இலக்குகளை குறிவைத்து கிட்டத்தட்ட இரண்டு மணி நேரம் விடாமல் இந்த தீவிர தாக்குதல் நடத்தப்பட்டுள்ளது. இந்த நடவடிக்கையில் ஈரானின் முக்கிய வியூக மையங்கள் வெற்றிகரமாக தகர்க்கப்பட்டு இருப்பதாக தெரிவிக்கப்பட்டுள்ளது.
இத்தாக்குதலின் மூலம் ஈரானின் ராணுவ கட்டளை மற்றும் கட்டுப்பாட்டு மையங்கள், அதிநவீன ஏவுகணை மற்றும் ட்ரோன் தயாரிப்பு மற்றும் சேமிப்பு வசதிகள், கடற்கரை கண்காணிப்பு மையங்கள் மற்றும் முக்கிய கடல்சார் பாதுகாப்பு திறன்கள் ஆகியவை அழிக்கப்பட்டுள்ளன. ஈரானிய படைகளின் தொடர்ச்சியான அச்சுறுத்தல்களை தடுத்து, அமெரிக்க பணியாளர்கள் மற்றும் சொத்துக்களை பாதுகாக்க அமெரிக்கா உறுதியுடன் இருப்பதை இந்த நடவடிக்கை வெளிக்காட்டுவதாக இராணுவ ஆய்வாளர்கள் கருதுகின்றனர்.
