ஐயோ கொடுமையே.. ஆசையாக வாங்கிய ஐபோன் பாக்ஸ்.. உள்ளே இருந்ததைப் பார்த்து கதறிய சிறுவன்.. பிக் பில்லியன் டேஸில் அரங்கேறிய பகீர் ஏமாற்றம்.. இணையத்தில் வைரலாகும் சம்பவம்..!!!

பிளிப்கார்ட் பிக் பில்லியன் டேஸ் சிறப்பு விற்பனையில் ஆர்டர் செய்யப்பட்ட விலை உயர்ந்த மொபைல் போனுக்குப் பதிலாக, பெட்டிக்குள் அரசன் சோப்பு இருந்த சம்பவம் ஆன்லைன் ஷாப்பிங் வாடிக்கையாளர்களிடையே பெரும் அதிர்ச்சியை ஏற்படுத்தியுள்ளது. மொபைல் போன் வரும் என்று ஆவலோடு காத்திருந்த அந்தச் சிறுவனுக்கு ஏமாற்றம் மிஞ்சியதோடு, இதுகுறித்து அவரிடம் பொருட்களை விநியோகம் செய்ய வந்த டெலிவரி ஊழியர் மிகவும் அநாகரீகமாகவும், அத்துமீறியும் நடந்துகொண்டதாகப் புகார் எழுந்துள்ளது. கடினமாக உழைத்துச் சம்பாதித்த பணத்தைச் செலுத்தி ஆன்லைனில் பொருட்களை வாங்கும் வாடிக்கையாளர்களுக்கு இத்தகைய ஏமாற்றங்களும், ஊழியர்களின் மோசமான நடத்தைகளும் தொடர்கதையாகி வருவது பெரும் கண்டனத்திற்குரியது ஆகும்.

இதுபோன்ற மோசடிச் சம்பவங்களுக்கு ஆன்லைன் வர்த்தக நிறுவனங்களே முழுப் பொறுப்பேற்க வேண்டும் என்றும், வாடிக்கையாளர்களுக்கு முறையான வாடிக்கையாளர் சேவை மற்றும் உண்மையான தயாரிப்புகளை வழங்குவதை உறுதி செய்ய வேண்டும் என்றும் சமூக வலைத்தளங்களில் கோரிக்கைகள் வலுத்து வருகின்றன. இத்தகைய பண்டிகைக் கால விற்பனைகளின் போது நடக்கும் பார்சல் மோசடிகள் மற்றும் ஊழியர்களின் அத்துமீறல்கள் குறித்து பிளிப்கார்ட் நிறுவனம் உரிய விசாரணை நடத்தி, சம்பந்தப்பட்டவர்கள் மீது கடுமையான நடவடிக்கை எடுக்க வேண்டும் எனப் பொதுமக்கள் வலியுறுத்தி வருகின்றனர். ஆன்லைன் மோசடிகளில் இருந்து தப்பிக்கப் பொருட்களை வாங்கும்போது ‘Open Box Delivery’ முறையைப் பயன்படுத்துவது அவசியம் என்றும் நிபுணர்கள் எச்சரிக்கின்றனர்.