“இந்தியாவின் ‘கோஸ்ட்ரைடர்’ இவர்தானா..?” தீபாவளியன்று பைக்கையே தீக்கோளமாக மாற்றி சாலையில் பறந்த வாலிபர்.. வைரலாகும் 17 விநாடி வீடியோ..!!

தீபாவளித் திருநாளில் மக்கள் விளக்குகளையும் பட்டாசுகளையும் கொளுத்தி மகிழ்வது வழக்கம். ஆனால், ஒரு நபர் எல்லாவற்றையும் மீறி தனது பைக்கையே ஒரு தீக்கோளமாக மாற்றி, அதன் மீது அமர்ந்து ஆபத்தான சாகசத்தில் ஈடுபட்டுள்ளார். இந்த அதிர்ச்சியூட்டும் வீடியோவை எக்ஸ் தளத்தில் @vijeshetty என்ற பயனர் பகிர்ந்துள்ளார். “இந்த தீபாவளி வெளிச்சத்தைப் பற்றியது அல்ல, எங்கும் தீயைப் பற்றியது” என்று அந்த பதிவுக்கு கேப்ஷன் கொடுக்கப்பட்டுள்ளது.

சமூக வலைதளங்களில் பரவி வரும் 17 வினாடிகள் கொண்ட இந்த வீடியோவில், நள்ளிரவில் ஒருவர் பைக் ஓட்டுவதும், அந்த பைக்கின் இரு சக்கரங்களிலும் தீப்பிடித்து எரிவதும் தெளிவாகத் தெரிகிறது. பைக்கின் கீழிருந்து பொறிகள் பறப்பதோடு, கொழுந்துவிட்டு எரியும் தீப்பிழம்புகளையும் பார்க்க முடிகிறது. இதைப் பார்க்கும்போது சாலையில் பைக் செல்வது போல் இல்லாமல், ஒரு தீக்கோளம் ஓடுவது போல் தோற்றமளிக்கிறது. இதுபோன்ற ஆபத்தான சாகசங்களை யாரும் முயற்சிக்கக் கூடாது; இது உயிருக்கே ஆபத்தாக முடியும்.

இந்த வீடியோவைக் கண்ட இணையவாசிகள், இந்தியாவிற்கு அதன் சொந்த ‘கோஸ்ட்ரைடர்’ கிடைத்துவிட்டதாக கிண்டலாகக் கூறி வருகின்றனர். மார்வெல் காமிக்ஸ் மற்றும் திரைப்படங்களில் வரும் பிரபல கதாபாத்திரமான ‘கோஸ்ட்ரைடர்’ போலவே, இங்கும் பைக்கும் ஓட்டுநரும் தீயில் எரிவது போன்ற தோற்றம் உள்ளதால் மக்கள் இதனை ஒப்பிட்டுப் பேசி வருகிறார்கள். இருப்பினும், இது தீபாவளி கொண்டாட்டம் அல்ல, மாறாக மரணத்தை விலை கொடுத்து வாங்குவதற்கு சமம் என்று பலரும் தங்களின் எதிர்ப்பையும் அதிர்ச்சியையும் வெளிப்படுத்தி வருகின்றனர்.