4 நாள் லீவ் எடுத்தும் ரூ.47,000 சம்பளமா..? நாங்க தப்பான லைன்ல வந்துட்டோமோ..? Snabbit ஊழியரின் வைரல் வீடியோவால் அதிர்ச்சியில் IT ஊழியர்கள்..! சோஷியல் மீடியாவில் தீயாய் பரவும் வீடியோ..!!

சமீபத்தில் இணையத்தில் ‘ஸ்னாபிட்’ என்ற வீடுகளுக்கு சேவை வழங்கும் நிறுவனத்தின் பெண் ஊழியர் ஒருவர் வெளியிட்ட வீடியோ சமூக வலைதளங்களில் பெரும் வைரலாகி வருகிறது. அந்த வீடியோவில், ஜூலை மாதத்தில் நான்கு நாட்கள் விடுமுறை எடுத்தபோதிலும், அந்தப் பெண் ரூ.47,000-க்கும் அதிகமாக சம்பாதித்துள்ளதாக அவரது செயலியின் டாஷ்போர்டு மூலம் காட்டப்பட்டுள்ளது. இதில் சேர்ப்பு போனஸ் மற்றும் கூடுதல் போனஸும் அடங்கும். இந்த வருமான விவரம் வெளியானதிலிருந்து, கார்ப்பரேட் வேலைகளை விட கிக் தொழிலாளர்கள் அதிக பணம் சம்பாதிக்கிறார்களா என்ற புதிய விவாதம் சமூக வலைதளப் பயனர்களிடையே தொடங்கியுள்ளது.

இந்த வீடியோ வைரலானதைத் தொடர்ந்து, மக்கள் தங்களின் கார்ப்பரேட் மற்றும் பிற வேலைகளின் சம்பளத்துடன் இதை ஒப்பிட்டுப் பார்த்து கருத்து தெரிவிக்கத் தொடங்கியுள்ளனர். இணையவாசிகள் சிலர் நகைச்சுவையாக, “நாங்கள் தவறான துறையைத் தேர்ந்தெடுத்துவிட்டோம், இங்குதான் அதிக வாய்ப்பு உள்ளது” என்றும், “B.Tech படித்தவர்கள் இதற்கு விண்ணப்பிக்கலாமா, என் CV-ஐ அனுப்பவா?” என்றும் கிண்டலாகக் கேட்டுள்ளனர். அதேநேரத்தில், பெரும்பாலான மக்கள் அந்தப் பெண்ணின் உழைப்பைப் பாராட்டியதுடன், வீடுகளுக்குச் சென்று உழைக்கும் ஊழியர்களுக்கு இந்த நியாயமான மற்றும் மரியாதையான வருமானம் முற்றிலும் உரித்தானது என்றும் தெரிவித்துள்ளனர்.

https://www.instagram.com/reel/DbqhCYLJRMX/?utm_source=ig_web_button_share_sheet

இருப்பினும், இந்த வைரல் கூற்று குறித்து சிலர் கேள்விகளையும் எழுப்பியுள்ளனர். தினமும் 12 மணி நேரம் உழைக்கும் ஊழியர்களுக்குக்கூட இந்த அளவிலான வருமானத்தை எட்டுவது எளிதல்ல என்று ஒரு பயனர் சுட்டிக்காட்டியுள்ளார். இந்த வீடியோவில் ஒரு மாதத்தின் டாஷ்போர்டு மட்டுமே காட்டப்பட்டுள்ளதே தவிர, மொத்த புக்கிங் எண்ணிக்கை, வேலை செய்த நேரங்கள் மற்றும் உண்மையான செலவுகள் பற்றிய முழு விவரங்கள் வெளியாகவில்லை. மேலும், இது எந்தவொரு சுதந்திரமான அமைப்பாலும் அதிகாரப்பூர்வமாக உறுதிப்படுத்தப்படாததால், இதை அனைத்து ஊழியர்களின் நிலையான வருமான அளவுகோலாகக் கருத முடியாது என்றும் கருத்துகள் தெரிவிக்கப்பட்டு வருகின்றன.