நொடிக்கு நொடி பரபரப்பு..! அடுத்த விக்கெட் அன்பில் மகேஷ் மனைவி..? சுழன்றடிக்கும் மத்திய குற்றப்பிரிவு… அதிரும் அரசியல் களம்..!!

தனியார் பள்ளிகளுக்கு அங்கீகாரம் பெற்றுத் தருவதில் நடந்த ரூ.100 கோடி ஊழல் வழக்கில், திமுக முன்னாள் அமைச்சர் அன்பில் மகேஸ் பொய்யாமொழியின் மனைவி ஜனனியும் கைது செய்யப்பட வாய்ப்புள்ளதாகத் தகவல்கள் வெளியாகியுள்ளன. இந்த வழக்கில் ஏற்கெனவே கைது செய்யப்பட்டுள்ள முன்னாள் அமைச்சர் அன்பில் மகேஷ், நீதிமன்ற உத்தரவின்படி வரும் நவம்பர் 6-ஆம் தேதி வரை நீதிமன்றக் காவலில் வைக்கப்பட்டுள்ளார்.

தற்போது தீவிரமடைந்துள்ள இந்த ஊழல் வழக்கின் விசாரணையில், லஞ்சமாகப் பெறப்பட்ட பெரும் தொகையின் ஒரு பகுதி அன்பில் மகேஸின் மனைவி ஜனனியிடம் கொடுக்கப்பட்டதாகப் புதிய தகவல்கள் கசிந்துள்ளன. சட்டவிரோதமாகப் பரிமாறப்பட்ட இந்த ஊழல் பணத்தைக் கையாண்டதில் அவருக்கும் தொடர்பு இருக்கலாம் என்ற கோணத்தில் விசாரணை அதிகாரிகள் சந்தேகிக்கின்றனர்.

இதன் அடிப்படையில், ஜனனியிடம் விரைவில் லஞ்ச ஒழிப்புத்துறை அல்லது மத்திய குற்றப்பிரிவு போலீசார் விரிவான விசாரணை நடத்தத் திட்டமிட்டுள்ளதாகக் கூறப்படுகிறது. இந்த விசாரணையின் போது பணப் பரிவர்த்தனைக்கான ஆதாரங்கள் மற்றும் முறையான விளக்கங்கள் கிடைக்காத பட்சத்தில், அவரும் இந்த வழக்கில் அதிகாரப்பூர்வமாகக் கைது செய்யப்படலாம் என அரசியல் மற்றும் சட்ட வட்டாரங்கள் தெரிவிக்கின்றன.