BREAKING: கூடியது சட்டசபை… தவெக அரசின் முதல் பட்ஜெட்டை தாக்கல் செய்தார் நிதியமைச்சர் மரிய வில்சன்..!!

தமிழகத்தில் புதிதாகப் பொறுப்பேற்றுள்ள முதலமைச்சர் விஜய் தலைமையிலான தமிழக வெற்றிக் கழக அரசின் முதல் பட்ஜெட் இன்று சட்டசபையில் தாக்கல் செய்யப்பட்டுள்ளது. 2026-2027ஆம் ஆண்டுக்கான இந்த நிதியாண்டு பட்ஜெட்டை, தவெக அரசின் நிதி அமைச்சர் மரிய வில்சன் இன்று காலை 10 மணிக்கு சட்டசபை கூடியதும் தாக்கல் செய்து உரையாற்றினார்.

இந்த முதல் பட்ஜெட்டை மிகச்சிறப்பாக வடிவமைக்க வேண்டும் என்ற முதலமைச்சரின் உத்தரவின் பேரில், கடந்த ஜூலை மாதத்தில் அனைத்துத் துறை அமைச்சர்கள் மற்றும் அதிகாரிகளுடன் விரிவான ஆலோசனைகள் நடத்தப்பட்டன. தவெக தனது தேர்தல் வாக்குறுதிகளாக அறிவித்திருந்த சிறப்புத் திட்டங்கள், தமிழக அரசின் தற்போதைய நிதி நிலைமை ஆகியவற்றை ஆராய்ந்து, முக்கிய மக்கள் நலத்திட்டங்களை முதலமைச்சர் விஜய் இறுதி செய்துள்ளார்.

குறிப்பாக, தவெக தேர்தலின் போது அறிவித்த ஒவ்வொரு குடும்பத்தலைவிக்கும் ரூ.2,500 வழங்கும் மதிப்புமிகு மகளிர் திட்டம், ஆண்டுக்கு 6 இலவச சிலிண்டர்கள், வேலையில்லா இளைஞர்களுக்கான உதவித்தொகை மற்றும் ‘வெற்றித் தமிழகம் தொலைநோக்குத் திட்டம்’ போன்ற முக்கிய அறிவிப்புகள் இந்த பட்ஜெட்டில் இடம்பெறுமா என்ற பலத்த எதிர்பார்ப்பு மக்களிடையே எழுந்துள்ளது. தவெக அரசின் இந்த முதல் பட்ஜெட் கூட்டத்தொடர் அரசியல் களத்தில் பெரும் சுவாரசியத்தை ஏற்படுத்தியுள்ளது.