“ECR-ல் ரகசிய அலுவலகம்… லட்சக்கணக்கில் பணம்…” முதல்வர் விஜய்க்காக மதன் கௌரி நடத்தும் மெகா ‘ரீல்ஸ்’ ஆபரேஷன்..! வெளியான அதிர்ச்சித் தகவல்..!! – cinefeeds
Connect with us

LATEST NEWS

“ECR-ல் ரகசிய அலுவலகம்… லட்சக்கணக்கில் பணம்…” முதல்வர் விஜய்க்காக மதன் கௌரி நடத்தும் மெகா ‘ரீல்ஸ்’ ஆபரேஷன்..! வெளியான அதிர்ச்சித் தகவல்..!!

Published

on

தமிழக முதலமைச்சர் விஜய்யின் பிம்பத்தைக் கட்டமைக்கவும், தமிழக வெற்றிக் கழக அரசின் திட்டங்களை இளைஞர்களிடம் கொண்டு சேர்க்கவும் பிரபல யூடியூபர் மதன் கௌரி தலைமையில் ‘ரீல்ஸ் நெட்வொர்க்’ செயல்படுவதாகத் தகவல் வெளியாகியுள்ளது. இதற்காகச் சென்னை கிழக்கு கடற்கரைச் சாலையில் பிரத்யேக அலுவலகம் ஒன்று அமைக்கப்பட்டுள்ளதாகவும், முதலமைச்சரின் தனி உதவியாளர் ஜெகதீஷ் பழனிசாமி இதற்கான நிதியுதவியை வழங்கி வருவதாகவும் அரசியல் விமர்சகர்கள் குற்றம் சாட்டியுள்ளனர்.

இன்ஸ்டாகிராமில் 28 லட்சத்திற்கும் அதிகமான பின்தொடர்பவர்களைக் கொண்டுள்ள மதன் கௌரி, பிரபலமான கன்டென்ட் கிரியேட்டர்களை இணைத்து இந்த டிஜிட்டல் வலைப்பின்னலைக் கண்காணித்து வருவதாகக் கூறப்படுகிறது. இளைஞர்களைக் (Gen Z) கவரும் வகையில் நடப்பு நிகழ்வுகள் மற்றும் அரசின் செயல்பாடுகளை விளக்கும் ரீல்ஸ்களை வெளியிடுவதுடன், வட மாநிலங்களிலும் முதலமைச்சர் விஜய்யின் புகழைப் பரப்ப லட்சக்கணக்கில் செலவிடப்படுவதாகவும் தகவல்கள் தெரிவிக்கின்றன.

Advertisement

மேலும், எதிர்க்கட்சிகள் முன்வைக்கும் விமர்சனங்களுக்குப் பதிலடியாக, எதிர்க்கட்சித் தலைவர்கள் மற்றும் அவர்களது குடும்பத்தினரை விமர்சித்துப் பதிவிட இன்ஸ்டா இன்புளுயன்ஸர்களுக்கு அறிவுறுத்தப்படுவதாக அரசியல் நடுநிலையாளர்கள் வேதனை தெரிவித்துள்ளனர். ஊடகங்களுக்கு முறையான விளக்கங்கள் அளிக்காமல், சமூக வலைதளங்கள் வாயிலாக மட்டுமே ஒருதலைப்பட்சமான பிம்பத்தை உருவாக்க முயற்சி நடப்பதாகவும் விமர்சிக்கப்பட்டு வருகிறது; இருப்பினும், இதுகுறித்து தவெக தரப்பிலிருந்தோ அல்லது மதன் கௌரி தரப்பிலிருந்தோ இதுவரை அதிகாரப்பூர்வ விளக்கம் ஏதும் அளிக்கப்படவில்லை.

Advertisement

Copyright © 2023 www.cinefeeds.in