LATEST NEWS
“CM விஜய் எனக்கு அதிகாரம் கொடுக்கல” கைவிரித்த பொறுப்பு அமைச்சர் வன்னி அரசு..? தமிழக அரசியலில் பரபரப்பு..!!
கள்ளக்குறிச்சி சட்டமன்ற உறுப்பினர் தொடர்பான விவகாரம் குறித்து அம்மாவட்டப் பொறுப்பு அமைச்சர் வன்னி அரசு புதிய விளக்கம் ஒன்றை அளித்துள்ளார். இன்று நடைபெற்ற அரசு நிகழ்ச்சி ஒன்றில் பங்கேற்ற அவர், பின்னர் செய்தியாளர்களைச் சந்தித்துப் பேசும்போது இந்த விவகாரம் குறித்த கேள்விகளுக்குப் பதிலளித்தார்.
அந்தப் பேட்டியில், கள்ளக்குறிச்சி எம்.எல்.ஏ விவகாரம் குறித்துப் பொறுப்பு அமைச்சரான தன்னிடம் விசாரணை நடத்தவோ அல்லது அறிக்கை சமர்ப்பிக்கவோ முதலமைச்சர் விஜய் இதுவரை எந்த அதிகாரமும் வழங்கவில்லை என்று வன்னி அரசு தெரிவித்துள்ளார். அவ்வாறு முதலமைச்சர் தரப்பிலிருந்து அதிகாரம் வழங்கப்பட்டால், அது குறித்து உரிய விசாரணை நடத்தப்படும் என்றும் அவர் விளக்கமளித்துள்ளார்.
இன்றைய அரசு நிகழ்ச்சியின் போது அமைச்சர் வன்னி அரசுடன் மாவட்ட ஆட்சியர் பத்மஜா உடனிருந்தார். பொறுப்பு அமைச்சரின் இந்த வெளிப்படையான கருத்து, கள்ளக்குறிச்சி எம்.எல்.ஏ விவகாரம் தொடர்பான அரசியல் விவாதங்களில் புதிய திருப்பத்தை ஏற்படுத்தியுள்ளது.
