‘நீங்க திருடங்களா…?’ “கேமார்ட் வாசலில் முதிய தம்பதிக்கு நடந்த கொடூரம்… வீடியோ எடுத்து வைரலாக்கப் பார்த்த நபர்… கடைசியில் அவருக்கு விழுந்த செம டோஸ்..!!”

ஆஸ்திரேலியாவில் உள்ள கேமார்ட் விற்பனையகத்திற்கு வெளியே அமர்ந்திருந்த ஒரு முதிய தம்பதியினரை, டிரென்ட் கார்ட்டர் என்ற நபர் திருட்டுப் பழி சுமத்தி வீடியோ எடுத்த சம்பவம் இணையத்தில் பெரும் விவாதத்தைக் கிளப்பியுள்ளது. அந்த தம்பதியினர் கையில் வைத்திருந்த ஒரு பொருளின் பெட்டியில் பாதுகாப்பு ‘சென்சார்’ ஒட்டப்பட்டிருப்பதைச் சுட்டிக்காட்டிய அந்த நபர், “இதை நீங்கள் திருடினீர்களா? நீங்கள் திருடர்களா?” எனக் கேட்டு உரத்த குரலில் குற்றம் சாட்டினார். இதனால் குழப்பமடைந்த அந்த ஆசிய நாட்டினைச் சேர்ந்த முதிய தம்பதியினர், அவரது குற்றச்சாட்டிற்குப் புரியாமல் திகைத்து நின்றனர். இந்த வீடியோவை அவர் தனது சமூக வலைத்தளப் பக்கத்திலும் பகிர்ந்திருந்தார்.

ஆனால், அதே கடையில் இருந்த வாடிக்கையாளர் ஒருவர் இந்தச் சம்பவத்தின் பின்னணியில் உள்ள உண்மையை வெளிப்படுத்தினார். அந்த முதிய தம்பதியினர் பணத்தைக் கொடுத்துதான் அந்தப் பொருளை வாங்குவதை நேரடியாகக் கண்டதாக அவர் தெரிவித்துள்ளார். வயது முதிர்வின் காரணமாக, கடையை விட்டு வெளியேறும் முன் அந்தச் பாதுகாப்பு ‘சென்சாரை’ அகற்ற வேண்டும் என்பது அவர்களுக்குத் தெரியாமல் போயிருக்கலாம் என்றும், இது தெரியாமல் நடந்த ஒரு தவறுதானே தவிர திருட்டு அல்ல என்றும் அவர் சுட்டிக்காட்டினார். முழு உண்மையையும் தெரிந்துகொள்ளாமல் முதியவர்களைத் திருடர்கள் என்று குற்றம் சாட்ட வேண்டாம் என்றும் அவர் கேட்டுக்கொண்டார்.

இந்த வீடியோ இணையத்தில் வைரலானதைத் தொடர்ந்து, அந்த ஆஸ்திரேலிய நபரின் செயலுக்குப் பல்வேறு தரப்பிலிருந்தும் பலத்த கண்டனங்கள் எழுந்துள்ளன. அந்த முதியவர்களுக்கு ஆங்கிலம் சரியாகத் தெரியாததால் தங்களைத் தற்காத்துக் கொள்ள முடியாமல் போயிருக்கலாம் என்றும், எந்தவித ஆதாரமும் இன்றி முதியவர்களை இப்படிப் பகிரங்கமாகக் குற்றம் சாட்டியது தவறானது என்றும் சமூக வலைத்தளப் பயனர்கள் கருத்து தெரிவித்து வருகின்றனர். மேலும், தவறானத் தகவலைப் பரப்பியதற்காக அந்த நபரின் கணக்கைப் புகாரளிக்குமாறும் பலர் கோரிக்கை விடுத்து வருகின்றனர்.