“அரசு வேலை கிடைக்கும் வரை படிப்பேன் அம்மா என்று சொல்லிவிட்டுப் போய்விட்டாயே..!” இளைஞர் செய்த காரியத்தால் இளம்பெண் எடுத்த விபரீத முடிவு.. கதறும் தாய்..!!

நாராயண்பேட்டை மாவட்டம் ஜவுல்லாபுரம் கிராமத்தைச் சேர்ந்த ஹன்மந்து – வெங்கட்டம்மா தம்பதியினரின் 23 வயது மகள் அனிதா, ஹைதராபாத்தில் பட்டப்படிப்பு முடித்திருந்தார். கடந்த ஆண்டு சாலை விபத்தில் தந்தை ஹன்மந்து உயிரிழந்த நிலையில், குடும்பத்தின் வறுமை காரணமாகத் திருமணம் செய்து வைக்கத் தாய் முயன்றபோதும், “அரசு வேலை கிடைக்கும் வரை படிப்பேன் அம்மா” எனக் கூறி முதுகலைப் படிப்பிற்கு விண்ணப்பித்துப் படித்து வந்தார். மகளின் படிப்புச் செலவிற்காகத் தாய் வெங்கட்டம்மா தினக்கூலியாக உழைத்து வந்த சூழலில், மகபூப்நகர் மாவட்டம் சின்னசிந்தகுண்டா மண்டலம் அம்மாபூர் கிராமத்தைச் சேர்ந்த அனில் என்ற இளைஞர் அனிதாவைத் திருமணம் செய்து கொள்ளுமாறு தொடர்ந்து வற்புறுத்தித் தொல்லை கொடுத்து வந்துள்ளார். படிப்பில் கவனம் செலுத்துவதற்காக அனிலிடமிருந்து அனிதா விலகியபோதும், அவரது தொந்தரவு நிற்காததால் மன உளைச்சலுக்கு ஆளான அனிதா தூக்கிட்டுத் தற்கொலை செய்து கொண்டார்.

தன் மகளின் சடலத்திற்கு அருகே அமர்ந்து, “அரசு வேலை கிடைக்கும் வரை படிப்பேன் என்று சொல்லிவிட்டு, என்னைப் பாதியிலேயே விட்டுவிட்டுப் போய்விட்டாயே என் குழந்தையே” எனத் தாய் வெங்கட்டம்மா கதறி அழுத காட்சி அங்கிருந்தவர்களின் நெஞ்சை உருக்குவதாக இருந்தது. இச்சம்பவம் குறித்து அனிதாவின் தாய் அளித்த புகாரின் பேரில், தற்கொலைக்குத் தூண்டியதாக இளைஞர் அனில் மீது காவல்துறையினர் வழக்குப்பதிவு செய்து தீவிர விசாரணை நடத்தி வருகின்றனர்.