“மாற்றத்துக்கான ஆட்சியா? விஜய் கரூர் செல்வதை திமுக தடுக்கிறதா? வதந்திகளுக்கு முற்றுப்புள்ளி வைத்த டி.கே.எஸ். இளங்கோவன்..!

கடந்த திமுக ஆட்சியில் மகளிருக்காக கொண்டுவரப்பட்ட ‘விடியல் பயணம்’ மற்றும் மாணவர்களுக்கான ‘நான் முதல்வன்’ போன்ற முக்கிய திட்டங்களின் பெயர்களை, தற்போதைய முதலமைச்சர் விஜய் தலைமையிலான அரசு மாற்றி வருவது அரசியல் வட்டாரத்தில் சலசலப்பை ஏற்படுத்தியுள்ளது. இது குறித்து விளக்கமளித்த திமுக செய்தித் தொடர்பாளர் டி.கே.எஸ். இளங்கோவன், மாற்றத்தை உருவாக்குவோம் என்று கூறி ஆட்சிக்கு வந்தவர்கள் தற்போது முந்தைய அரசின் திட்டங்களின் பெயர்களை மட்டுமே மாற்றி வருவதாக கடுமையாக விமர்சித்தார். விவசாயிகளுக்கு கொடுத்த வாக்குறுதிகளைக் கூட இந்த அரசு இன்னும் நிறைவேற்றவில்லை என்றும், முந்தைய திமுக அரசின் திட்டங்களை தற்போதைய அரசு தங்களுடையது போல மக்களிடம் காட்டிக்கொள்ளவே இந்த பெயர் மாற்று அரசியலை கையில் எடுத்துள்ளதாகவும் அவர் குற்றம் சாட்டினார்.

இதற்கிடையே, முதலமைச்சர் விஜய்யின் கரூர் பயணத்தை திமுக நீதிமன்றம் மூலம் தடுக்க முயற்சிப்பதாக பரவும் வதந்திகளுக்கும் அவர் திட்டவட்டமாக மறுப்பு தெரிவித்தார். ஒரு ஜனநாயக நாட்டில் யார் எங்கு வேண்டுமானாலும் செல்ல உரிமை உள்ளதாகவும், விஜய்யின் பயணத்தை தடுக்கும் வகையிலான எந்தவொரு கோரிக்கையும் தங்களது நீதிமன்ற மனுவில் இடம்பெறவில்லை என்றும் அவர் தெளிவுபடுத்தினார். மாறாக, முந்தைய ஆட்சியின் மீது அமைச்சர் ஆதவ் அர்ஜுனா சுமத்திய அடிப்படையற்ற மற்றும் அவதூறான குற்றச்சாட்டுகளுக்கு எதிராக மட்டுமே தாங்கள் நீதிமன்றத்தை நாடியுள்ளதாக டி.கே.எஸ். இளங்கோவன் விளக்கமளித்தார்.