BREAKING : ‘ஜனநாயகன்’ திரைப்படம் இன்று வெளியானதை ஒட்டி, பட்ஜெட் தொடர்பான துறை ரீதியான ஆய்வுக் கூட்டங்கள் ரத்து..!!

தமிழக முதலமைச்சரும் தமிழக வெற்றிக் கழகத்தின் தலைவருமான விஜய் நடிப்பில் உருவான ‘ஜனநாயகன்’ திரைப்படம் உலகம் முழுவதும் இன்று திரையரங்குகளில் வெளியானது. எச். வினோத் இயக்கத்தில், அனிருத் இசையமைப்பில் உருவான இத்திரைப்படம், விஜய் முழுநேர அரசியலில் ஈடுபடுவதற்கு முன்பாக நடித்துள்ள கடைசி திரைப்படம் என்பதால் ரசிகர்கள் மற்றும் தவெக கட்சியினர் மத்தியில் இதற்கு மிகப்பெரிய எதிர்பார்ப்பு நிலவி வந்தது. பல்வேறு தணிக்கை வாரிய சிக்கல்கள் மற்றும் பல மாத கால தாமதங்களுக்குப் பிறகு ‘A’ சான்றிதழுடன் இத்திரைப்படம் இன்று உலகம் முழுவதும் சுமார் 5,000-க்கும் மேற்பட்ட திரையரங்குகளில் வெளியாகி திருவிழா போலக் கொண்டாடப்பட்டு வருகிறது.

இத்திரைப்படத்தின் பிரம்மாண்ட ரிலீஸை முன்னிட்டு, தலைமைச் செயலகத்தில் இன்று நடைபெறவிருந்த பட்ஜெட் தொடர்பான முக்கிய துறை ரீதியான ஆய்வுக் கூட்டங்கள் அனைத்தும் ரத்து செய்யப்பட்டுள்ளன. முதலமைச்சர் விஜய் உட்படப் பல முக்கிய அமைச்சர்கள் திரையரங்குகளில் படத்தைக் காணச் சென்றதால், தலைமைச் செயலகமே மக்கள் மற்றும் அதிகாரிகள் நடமாட்டமின்றி முற்றிலும் வெறிச்சோடிக் காணப்படுகிறது. தமிழக வரலாற்றில் ஒரு புதிய திரைப்படத்தின் வெளியீட்டிற்காக ஒட்டுமொத்த அமைச்சரவையும் வராததால் தலைமைச் செயலகமே ஸ்தம்பித்திருப்பது சமூக வலைத்தளங்களிலும் அரசியல் வட்டாரங்களிலும் தற்பொழுது பெரும் விவாதத்தையும் பரபரப்பையும் கிளப்பியுள்ளது