செம ஷாக்..! “இவங்க சரியே இல்ல” தூக்கி எறியப்படும் 5 அமைச்சர்கள்…. 100 நாளில் சிக்கும் அமைச்சர்கள் யார் யார்…? முதல்வர் விஜயின் ‘ரகசிய லிஸ்ட்’ ரெடி..!!

தமிழக அரசியல் களத்தில், முதலமைச்சர் C. ஜோசப் விஜய் தலைமையிலான புதிய அரசு பொறுப்பேற்று 100 நாட்களை நிறைவு செய்யவுள்ள நிலையில், அமைச்சரவையின் செயல்பாடுகள் குறித்த ஆய்வுத் தகவல்கள் தீவிர விவாதப் பொருளாக மாறியுள்ளன. இந்த ஆரம்பக் கட்டத்திலேயே, முதல்வரின் முதிர்ச்சியான அணுகுமுறை மற்றும் நிர்வாகத்தின் மீதான அவரது கனிவான மேலாண்மை பாணி பரவலான வரவேற்பைப் பெற்றுள்ளது. குறிப்பாக, மாநில எல்லையைக் கடந்து கனிம வளங்கள் சட்டவிரோதமாகக் கடத்தப்படுவதைத் தடுத்து நிறுத்திய அவரது அதிரடி முடிவு, அரசின் உறுதியான நிர்வாகத்திற்கு சான்றாகச் சுட்டிக்காட்டப்படுகிறது.

அமைச்சரவையின் சில உறுப்பினர்கள் தங்கள் துறைகளில் குறிப்பிடத்தக்க சாதனைகளைப் படைத்து நல்ல பெயர் ஈட்டியுள்ளனர். அனுபவத்தின் அடிப்படையில் கே.ஏ. செங்கோட்டையனின் செயல்பாடுகளும், வைகை அணையைத் தூர்வாரும் பணிகளை விரைவுபடுத்திய சி.டி.ஆர். நிர்மல் குமாரின் நடவடிக்கைகளும் மக்கள் மத்தியில் பாராட்டைப் பெற்றுள்ளன. அதேபோல, தொழிற்துறை வளர்ச்சிக்கு முக்கியத்துவம் அளித்து வரும் கீர்த்தனா மற்றும் அறிக்கைகள் மூலம் முதிர்ச்சியை வெளிப்படுத்தி வரும் ராஜ் மோகன் ஆகியோரும் திறம்படச் செயல்படும் அமைச்சர்களாக அடையாளப்படுத்தப்பட்டுள்ளனர்.

அதேவேளையில், சில அமைச்சர்கள் மீதான புகார்களும் விமர்சனங்களும் அரசுக்குத் தர்மசங்கடத்தை ஏற்படுத்தியுள்ளன. நிதித்துறை அமைச்சர் மேரி வில்சனின் நடவடிக்கைகள் அதிருப்தியை ஏற்படுத்தியுள்ள நிலையில், மனிதவள மேம்பாட்டுத் துறை அமைச்சர் சரத்குமார் போதைப்பொருள் சர்ச்சையிலும், உயர்கல்வித் துறை அமைச்சர் விஸ்வாநாதன் அத்துமீறல் புகாரிலும் சிக்கியுள்ளது பின்னடைவாகப் பார்க்கப்படுகிறது. மேலும், நெறிமுறை தவறிய புகார்களில் சிக்கிய ஜெகதீஸ்வேரி மற்றும் பேருந்து தாமதம் தொடர்பாகப் பொறுப்பற்ற முறையில் பதிலளித்த அமைச்சர் விஜய் தமிழன் பார்த்திபன் ஆகியோரின் போக்கும் கடுமையான கண்டனத்திற்கு உள்ளாகியுள்ளது.

இத்தகையச் சூழலில், அமைச்சர்களின் செயல்திறன் குறித்து முதலமைச்சர் விஜய் ரகசிய மதிப்பீடு ஒன்றை நடத்தி முடித்துள்ளதாகக் கூறப்படுகிறது. இதன் அடிப்படையில், திருப்திகரமான செயல்பாடுகளை வெளிப்படுத்தாத அமைச்சர்களைப் பதவியிலிருந்து நீக்கவோ அல்லது துறை மாற்றம் செய்யவோ அவர் திட்டமிட்டுள்ளதாகத் தெரிகிறது. விரைவில் அரசின் 100 நாள் சாதனை குறித்த விரிவான அறிக்கை வெளியிடப்பட உள்ள நிலையில், அமைச்சரவை மாற்றத்திற்கான வாய்ப்புகளும் அதிகரித்துள்ளன.