மனைவியைக் கொன்று வீட்டின் பின்புறம் எரித்த கணவர்… எலும்புகளை ஆற்றில் வீசிவிட்டு “காணவில்லை” என மெகா நாடகம்… சந்தேகப்பட்ட பெற்றோர்.. அடுத்து காத்திருந்த அதிர்ச்சி..!!

உத்தரப் பிரதேச மாநிலம் ஆக்ரா அருகே உள்ள அச்னேரா பகுதியில், குடும்பத் தகராறு காரணமாக சாந்தினி (30) என்ற மனைவியைக் கொடூரமாகக் கொலை செய்த கணவர் லோகேந்திரா (32) என்பவர் போலீசாரால் கைது செய்யப்பட்டுள்ளார். இருவருக்கும் இடையே ஏற்பட்ட கடுமையான வாக்குவாதத்தின் போது, ஆத்திரமடைந்த லோகேந்திரா தனது மனைவியைக் கொலை செய்துள்ளார். பின்னர், கொலையை மறைப்பதற்காக வீட்டின் பின்புறம் உள்ள கொட்டகையில் விறகுகளை அடுக்கி, சாந்தினியின் உடலை முழுமையாக எரித்துள்ளார்.

இந்தக் கொடூரக் குற்றத்திற்குப் பிறகு, எஞ்சிய சாந்தினியின் எலும்புகளைச் சேகரித்த லோகேந்திரா, அவற்றை ஆக்ராவுக்குக் கொண்டு சென்று யமுனை ஆற்றில் வீசி எறிந்து சாட்சியங்களை அழித்துள்ளார். எவரும் சந்தேகிக்கக் கூடாது என்பதற்காக, தனது மனைவி திடீரென மாயமாகிவிட்டதாகக் கூறி அவரே அச்னேரா காவல் நிலையத்திற்குச் சென்று நாடகமாடிப் புகாரும் அளித்துள்ளார். மேலும், தனது மனைவியைக் கண்டுபிடிப்பது போல் உறவினர்களுடன் சேர்ந்து தேடுவது போன்ற நாடகத்தையும் அவர் அரங்கேற்றியுள்ளார்.

சாந்தினியின் மொபைல் போன் அணைக்கப்பட்டு அவர் காணாமல் போனதால் சந்தேகமடைந்த அவரது குடும்பத்தினர், லோகேந்திரா மீது போலீசில் புகார் அளித்தனர். இவர்களின் இரண்டு வயதுக் குழந்தை தனியாகத் தவித்ததைக் கண்ட போலீசாருக்கு லோகேந்திரா மீது சந்தேகம் வலுத்தது. இதையடுத்து போலீசார் அவரிடம் நடத்திய அதிரடி மற்றும் கடுமையான விசாரணையில், அவர் தனது மனைவியைக் கொன்று உடலை எரித்த உண்மையை ஒப்புக்கொண்டார். அதைத்தொடர்ந்து லோகேந்திராவை கைது செய்த போலீசார், அவர் காட்டிய அடையாளத்தின் பேரில் யமுனை ஆற்றங்கரையில் இருந்து சாந்தினியின் எலும்புகள் மற்றும் மொபைல் போனை மீட்டெடுத்துள்ளனர்.