“ச்சீ.. பார்த்தாலே பயமா இருக்கே..” உயிரோடு இருக்கும் எறும்புகளை அப்படியே சாப்பிட்ட பிரபலம்..! இணையத்தில் வைரலாகும் விசித்திர வீடியோ..!!

சமூக வலைதளங்களில் வைரலாகும் வீடியோக்களில், பலரும் தாங்கள் நினைத்துப் பார்க்க முடியாத விசித்திரமான காரியங்களைச் செய்வதுண்டு. அந்த வகையில், பிரேசிலைச் சேர்ந்த பிரபல ஃபிட்னஸ் இன்ஃப்ளூயன்சர் அட்ரியானோ பொலாடோ வின் புதிய வீடியோ ஒன்று இணையத்தில் பெரும் அதிர்வலையை ஏற்படுத்தியுள்ளது. அந்த வீடியோவில் அவர் கேமரா முன்பு உயிரோடு இருக்கும் ‘தனாஜுரா’ எறும்புகள் நிரம்பிய ஒரு கிண்ணத்தை அப்படியே சாப்பிட்டுக் கொண்டிருக்கிறார்.

அட்ரியானோ பொலாடோ தனது ஃபிட்னஸ் மற்றும் வித்தியாசமான கன்டென்ட்களுக்காக இணையத்தில் பெரிதும் அறியப்பட்டவர். ஆனால், இந்த முறை அவர் வெளியிட்டுள்ள வீடியோ அனைவரையும் அதிரவைத்துள்ளது. பொதுவாக எறும்புகளை கண்டாலே மக்கள் ஓட்டம் பிடிக்கும் நிலையில், அவர் கிண்ணம் நிறைய உயிரோட்டமுள்ள எறும்புகளைச் சாப்பிடும் விதம் பார்ப்போரை நடுங்கச் செய்துள்ளதுடன், சமூக வலைதளங்களில் பலத்த விவாதத்தையும் கிளப்பியுள்ளது.

பிரேசிலின் சில குறிப்பிட்ட பகுதிகளில் பெரிய அளவிலான இந்தத் தனாஜுரா எறும்புகள் காணப்படுகின்றன. பாரம்பரிய உணவுமுறைகளில் இவற்றுக்கென்று தனி இடமுண்டு என்றாலும், அவற்றைச் சமைத்தோ அல்லது உணவுடன் சேர்த்தோ சாப்பிடுவதற்கு மாறாக, அட்ரியானோ அவற்றை அப்படியே உயிரோடு சாப்பிடுவதுதான் அனைவரையும் அதிர்ச்சிக்குள்ளாக்கியுள்ளது. இந்த விசித்திரமான மற்றும் வித்தியாசமான செயல் பார்வையாளர்களைப் பெரிதும் வியப்பில் ஆழ்த்தியுள்ளது.