LATEST NEWS
“இதெல்லாம் ஒரு பொழப்பா..?” வாயைப் பிளந்த முதலை அருகே சிறுவனை வைத்து ரீல்ஸ் எடுத்த கொடூரம்.. வீடியோவை பார்த்து கொந்தளிக்கும் நெட்டிசன்கள்..!!
சமூக வலைத்தளங்களில் லைக்குகளையும் வியூஸ்களையும் அள்ள வேண்டும் என்ற மோகத்தால், சிலர் எதையும் ஒரு வேடிக்கைப் பொருளாக மாற்றி விபரீதச் செயல்களில் ஈடுபடுவது தற்போது அதிகரித்து வருகிறது. அதன் உச்சகட்டமாக, வாயைப் பிளந்தபடி இருக்கும் ஆபத்தான முதலையின் மிக அருகில் ஒரு சிறுவனை அழைத்துச் சென்று வீடியோ மற்றும் ரீல்ஸ் எடுத்த சம்பவம் இணையத்தில் வெளியாகிப் பெரும் அதிர்ச்சியையும் கொந்தளிப்பையும் ஏற்படுத்தியுள்ளது. அப்பாவி குழந்தையின் உயிரைப் பணயம் வைத்து, கொடிய விலங்கின் அருகில் கொண்டு செல்லும் இத்தகைய செயல் மிகவும் பொறுப்பற்றத்தனமானது எனச் சமூக ஆர்வலர்களும் நெட்டிசன்களும் கடும் கண்டனம் தெரிவித்து வருகின்றனர்.
ஒருவேளை அந்த முதலை எதிர்பாராதவிதமாகத் தாக்கியிருந்தாலோ அல்லது சிறிய அளவிலான கவனக்குறைவு ஏற்பட்டிருந்தாலோ, அந்தக் குழந்தையின் நிலை என்னவாகியிருக்கும் என்ற அச்சம் பார்ப்பவர்களின் நெஞ்சைப் பதற வைக்கிறது. விபரீதம் நிகழ்ந்த பிறகு வருத்தப்படுவதால் எந்தப் பயனும் இல்லை என்றும், இதுபோன்ற உயிருக்கு ஆபத்தான செயல்களில் ஈடுபடுபவர்கள் மீது கடுமையான நடவடிக்கை எடுக்க வேண்டும் என்றும் பலரும் வலியுறுத்தி வருகின்றனர். சமூக வலைத்தளப் புகழுக்காகப் பெற்றோர்களே தங்கள் குழந்தைகளின் பாதுகாப்பைக் கேள்விக்குறியாக்குவது வேதனைக்குரிய விஷயமாகப் பார்க்கப்படுகிறது.
