CRIME
அய்யய்யோ.. கட்டுப்பாட்டை இழந்த கார்… சாலையோரக் கடைக்குள் பயங்கரமாகப் புகுந்த கார்! அருகே நின்ற 2 குழந்தைகள் உட்பட 4 பேர் மயிரிழையில் உயிர் தப்பிய அதிசயம்.. திக் திக் திக் வீடியோ..!!
கேரள மாநிலம் திருவனந்தபுரம் மாவட்டம் மன்னார்க்கோணம் அருகே கட்டுப்பாட்டை இழந்த கார் ஒன்று சாலையோரக் கடைக்குள் புகுந்து விபத்துக்குள்ளான சம்பவம் பெரும் பரபரப்பை ஏற்படுத்தியுள்ளது. சாலையில் சென்று கொண்டிருந்த கார் திடீரென ஓட்டுநரின் கட்டுப்பாட்டை இழந்து, சாலையோரத்தில் இருந்த கடை ஒன்றின் மீது பயங்கரமாக மோதியது.
விபத்து நடந்த நேரத்தில் காரில் பயணம் செய்தவர்கள் மற்றும் அந்தக் கடையின் அருகே இரண்டு குழந்தைகள் உட்பட நான்கு பேர் நின்று கொண்டிருந்தனர். கார் வேகமாகக் கடைக்குள் புகுந்தபோதிலும், அதிர்ஷ்டவசமாகக் காரில் இருந்தவர்களும், கடையின் அருகே நின்றிருந்த இரண்டு குழந்தைகளும் எவ்வித காயமும் இன்றி உயிர் தப்பினர்.
கண்ணிமைக்கும் நேரத்தில் நடந்த இந்த விபத்தால் அப்பகுதியில் சிறிது நேரம் பதற்றமும் பரபரப்பும் நிலவியது. பெரும் உயிர்ச்சேதம் தவிர்க்கப்பட்ட நிலையில், இச்சம்பவம் குறித்து உள்ளூர் காவல்துறையினர் விசாரணை மேற்கொண்டு வருகின்றனர்.
