“இது என்னப்பா புது உருட்டா இருக்கு..?! . ஏமாத்த என்னவெல்லாம் யோசிக்கிறாங்கப்பா..!” கிண்ண டிரிக் வச்சு உண்மையான ரத்தினக் கல்லை கண்டுபிடிக்கிறாங்களாம்..! இணையத்தில் தீயாய் பரவும் வீடியோ..!!

மோதிரங்களில் அணியப்படும் குறிப்பிட்ட ரத்தினக் கற்கள் அதிர்ஷ்டத்தைத் தரும், கிரகங்களின் தீய விளைவுகளைக் குறைக்கும் மற்றும் வாழ்க்கையில் நேர்மறையான மாற்றங்களை ஏற்படுத்தும் என்று பலரால் நம்பப்படுகிறது. இதனாலேயே மக்கள் தங்களுக்கு விருப்பமான கற்களை அதிக பணம் கொடுத்து வாங்குகின்றனர். ஆனால், தாம் வாங்கும் கல் உண்மையானதுதானா அல்லது ஏமாற்றி பணம் பறிக்கும் வழியா என்ற சந்தேகம் எழும்போதுதான் உண்மையான சிக்கலே தொடங்குகிறது.

சமீபத்தில் இன்ஸ்டாகிராமில் ‘Rakesh Kumar’ என்பவரால் பகிரப்பட்ட வீடியோ ஒன்று சமூக வலைத்தளங்களில் வைரலாகி பெரும் விவாதத்தைக் கிளப்பியுள்ளது. அந்த வீடியோவில் ஒரு நபர் உண்மையான ரத்தினக் கல்லை அடையாளம் காண்பதாகக் கூறி விசித்திரமான ஒரு முறையைக் காட்டுகிறார். சிறிய கிண்ணம் ஒன்றில் துளை போட்டு, அதில் மக்களின் விரலை வைக்கச் சொல்கிறார். பின்னர் அந்த கிண்ணத்திற்குள் ஒவ்வொரு கல்லாக வைக்கும்போது, ஒரு குறிப்பிட்ட கல்லை வைக்கும்போது மட்டும் ஒருவித சத்தம் உருவாகிறது. வெவ்வேறு கற்களை மாற்றி மாற்றி வைத்தாலும், அந்த குறிப்பிட்ட கல்லில் மட்டுமே சத்தம் வருகிறது.

https://www.instagram.com/reel/Db3FIoOo9bf/?utm_source=ig_web_button_share_sheet

இந்த விசித்திரமான முறையைப் பார்த்த இணையவாசிகள் பலரும் அதிர்ச்சியடைந்துள்ளனர். கிண்ணத்தில் வைக்கப்பட்ட கல்லில் இருந்து எப்படி சத்தம் வருகிறது என்பது மர்மமாக உள்ள நிலையில், இது அறிவியலா அல்லது வாடிக்கையாளர்களை ஏமாற்றும் புதிய மோசடியா என்ற கேள்வி எழுந்துள்ளது. அந்த நபர் தனது கையில் காந்தம் அல்லது ஏதேனும் ஒரு கருவியை மறைத்து வைத்திருந்து இந்த சத்தத்தை உருவாக்கலாம் என்று சிலர் சந்தேகிக்கின்றனர். சிலர் இதை அறிவியல் பரிசோதனை என்று கூறினாலும், பெரும்பாலானோர் இது மக்களை ஏமாற்ற சந்தைக்கு வந்துள்ள புதிய ஸ்கேம் (Scam) என்று கருத்து தெரிவித்து வருகின்றனர்.