திமுகவில் பெரும் பரபரப்பு: மா.செ., பதவியும் பறிபோகிறது..? கனிமொழியின் பிடிவாதம்… வீட்டிலேயே முடங்கிய அனிதா ராதாகிருஷ்ணன்..!!

தூத்துக்குடி மாவட்ட திமுக அரசியலில் முன்னாள் அமைச்சர் அனிதா ராதாகிருஷ்ணன் மற்றும் நாடாளுமன்ற உறுப்பினர் கனிமொழி ஆகியோருக்கு இடையே நிலவி வரும் உட்கட்சிப் பூசல் தற்போது பெரும் பரபரப்பை ஏற்படுத்தியுள்ளது. திமுக பொதுச் செயலாளர் பதவி அனிதா ராதாகிருஷ்ணனுக்கு வழங்கப்படாததற்கு கனிமொழி எம்பி தான் முக்கிய காரணம் என்று அக்கட்சி வட்டாரங்களில் தகவல்கள் வெளியாகியுள்ளன. இந்த விவகாரத்தில் தமிழக முதலமைச்சரும் திமுக தலைவருமான மு.க.ஸ்டாலினே நேரிடையாகக் கேட்டும் கூட, கனிமொழி தனது முடிவில் முரண்டு பிடித்து பிடிவாதமாக இருப்பதாகக் கூறப்படுகிறது.

இப்பதவி பறிபோனது மட்டுமின்றி, அனிதா ராதாகிருஷ்ணன் வசம் உள்ள தூத்துக்குடி தெற்கு மாவட்டச் செயலாளர் பொறுப்பும் விரைவில் பறிக்கப்படலாம் என அரசியல் வட்டாரத்தில் பேசப்படுகிறது. இந்த அடுத்தடுத்த அரசியல் பின்னடைவுகளால் கடும் அதிருப்தியடைந்துள்ள அனிதா ராதாகிருஷ்ணன், தற்பொழுது தனது வீட்டிலேயே முடங்கியிருப்பதாகத் தெரிகிறது. தூத்துக்குடி மாவட்ட திமுகவின் இரு முக்கிய ஆளுமைகளுக்கு இடையே வெடித்துள்ள இந்த அதிகாரப் போட்டி, மாவட்ட அரசியல் களத்தில் கடும் அனலைக் கிளப்பியுள்ளது.