அடுத்த ஷாக்..! என்னையும் தவெக மிரட்டுகிறது… ராஜினாமா செய்ய சொல்லுறாங்க… மற்றொரு திமுக MLA பரபரப்பு புகார்..!!

தமிழக வெற்றிக் கழகத்தின் தூத்துக்குடி மாவட்டச் செயலாளர் எஸ். பாலசுப்பிரமணியன் அண்மையில் நடைபெற்ற கட்சிக் கூட்டத்தில் பேசிய சர்ச்சை வீடியோ சமூக வலைதளங்களில் வேகமாகப் பரவி பெரும் அரசியல் பரபரப்பை ஏற்படுத்தியுள்ளது. அந்த வீடியோவில், கோவில்பட்டி தொகுதி திமுக சட்டமன்ற உறுப்பினர் கா. கருணாநிதியை அவரது பதவியை ராஜினாமா செய்ய வைத்துவிட்டு, அவரைத் தவெகவில் சேர்ப்போம் என்று பாலசுப்பிரமணியன் பேசியதாகத் தெரிகிறது. 2026 தமிழ்நாடு சட்டமன்றத் தேர்தலில் தவெக வேட்பாளராகப் போட்டியிட்ட பாலசுப்பிரமணியனை மிகக் குறைந்த வாக்குகள் வித்தியாசத்தில் வீழ்த்தி கருணாநிதி வெற்றி பெற்றிருந்த நிலையில், இந்த விவகாரம் மாவட்ட அரசியலில் இரு கட்சிகளுக்கும் இடையே மோதலை தீவிரப்படுத்தியுள்ளது.

இந்த பேச்சுக்குக் கடும் எதிர்ப்பு தெரிவித்துள்ள திமுக MLA கா. கருணாநிதி, தன்னை மிரட்டும் நோக்கில் தவெக மாவட்டச் செயலாளர் கருத்து தெரிவித்துள்ளதாகக் குற்றம்சாட்டியுள்ளார். மேலும், தமிழக அமைச்சர் அனிதா ராதாகிருஷ்ணன் மீது எவ்வாறு அரசியல் ரீதியான அழுத்தங்களைக் கொடுக்க முயன்றார்களோ, அதே பாணியில் தற்போது தம்மையும் மிரட்டிப் பணிய வைக்கப் பார்க்கிறார்கள் என்று அவர் பகிரங்கமாகச் சாடியுள்ளார். ஜனநாயக முறைப்படி தேர்ந்தெடுக்கப்பட்ட ஒரு மக்கள் பிரதிநிதியை இவ்வாறு தவெகவினர் பொதுவெளியில் மிரட்டுவது அரசியல் நாகரிகமற்ற செயல் என்றும் திமுக தரப்பில் கண்டனங்கள் எழுந்து வருகின்றன.