“யோகம் அடிச்சா இப்படி அடிக்கணும்..! அக்டோபர் 31 வரை இந்த 3 ராசிக்காரர்களின் நிதி நிலை வேற லெவல்… உங்க ராசி இதுல இருக்கான்னு பாருங்க..!!”

ஜோதிட சாஸ்திரத்தில் ஆற்றல் மற்றும் தைரியத்தை வழங்கும் செவ்வாய் பகவானும், அதிர்ஷ்டம் மற்றும் செல்வத்தை வழங்கும் குரு பகவானும் சக்தி வாய்ந்த கிரகங்களாகக் கருதப்படுகின்றனர். தற்போது குரு பகவான் தனது உச்ச ராசியான கடகத்தில் பயணித்து வரும் நிலையில், செவ்வாயும் கடக ராசியில் குருவுடன் இணைந்து பயணித்து வருகிறார். இந்த சக்தி வாய்ந்த இரு கிரகங்களின் சேர்க்கையானது வரும் அக்டோபர் 31-ம் தேதி வரை கடக ராசியில் நீடிக்கும். இந்தக் கிரகக் கூட்டணி அனைத்து ராசிகளிலும் தாக்கத்தை ஏற்படுத்தினாலும், குறிப்பாக சில ராசியினருக்குத் தொழில் மற்றும் நிதி நிலையில் சிறப்பான யோகத்தை வழங்கவுள்ளது.

ரிஷப ராசியின் 3-ஆம் வீட்டில் ஏற்படும் இந்த குரு-செவ்வாய் கூட்டணியால் தொட்ட காரியங்களில் வெற்றியும், புதிய வேலைவாய்ப்புகளும் கிடைக்கும். நண்பர்கள் மற்றும் குடும்பத்தினரின் ஆதரவு கிடைப்பதோடு, வாழ்க்கைத்துணையுடனான புரிதலும் அதிகரிக்கும். அதேபோல், துலாம் ராசியின் 10-ஆம் வீட்டில் இந்த சேர்க்கை நிகழ்வதால் தொழில் மற்றும் பணிபுரியும் இடத்தில் சாதகமான மாற்றங்கள் உருவாகும். நிலுவையில் இருந்த சொத்து விவகாரங்களில் நல்ல முடிவுகள் கிடைப்பதுடன், பழைய முதலீடுகளிலிருந்து நல்ல லாபமும், திருமணமாகாதவர்களுக்குப் பொருத்தமான வாழ்க்கைத்துணையும் அமையும்.

தனுசு ராசியின் 8-ஆம் வீட்டில் ஏற்படும் இந்த சேர்க்கையானது வாழ்க்கையில் முன்னேற்றத்திற்கான புதிய கதவுகளைத் திறக்கும். குறிப்பாக, வெளிநாடு தொடர்பான வேலைகளில் இருப்பவர்களுக்கு நல்ல நிதி ஆதாயமும், சிலருக்கு வெளிநாடு செல்லும் வாய்ப்புகளும் கிடைக்கும். மாணவர்கள் தங்கள் உழைப்பிற்கேற்ற பலனைப் பெறுவதுடன், ஆடம்பரமான வாழ்க்கைச் சூழலும் மகிழ்ச்சியான செய்திகளும் வந்து சேரும். ஒட்டுமொத்தமாக இந்த குரு–செவ்வாய் சேர்க்கை காலம் குறிப்பிட்ட சில ராசியினருக்குப் பண வரவையும் தொழில் முன்னேற்றத்தையும் அள்ளிக் கொடுப்பதாக அமையும்.