“அப்போ மன்மோகன் சிங் முன்னாடி நின்னது யாரு?” மாறன் குடும்பத்துடனான ரகசிய உறவு உடைந்தது… விஜய்யின் டெல்லி விசிட்டை அம்பலப்படுத்திய எ.வ வேலு…!!

தமிழக சட்டமன்றத்தில் திமுக முன்னாள் அமைச்சர் எ.வ.வேலு, முதலமைச்சர் விஜய் மற்றும் மாறன் குடும்பத்தினருக்கு இடையே உள்ள நெருங்கிய நட்பை சுட்டிக்காட்டி அவையில் உரையாற்றியுள்ளார். தற்போதைய முதலமைச்சர் விஜய்க்கு மாறன் குடும்பம் மிகவும் வேண்டிய ஒரு குடும்பம் என்றும், அவர்களுடன் இணைந்து விஜய் பல திரைப்படங்களில் நடித்துள்ளார் என்றும் எ.வ.வேலு குறிப்பிட்டுள்ளார்.

இதற்கு சான்றாக, டெல்லியில் முன்னாள் பிரதமர் மன்மோகன் சிங் முன்னிலையில் முரசொலி மாறனுக்கு தபால் தலை வெளியிடப்பட்ட அரசு விழாவில் விஜய் நேரில் பங்கேற்ற பழைய நிகழ்வையும் அவர் அவையில் நினைவு கூர்ந்தார். காவல்துறை மானியக் கோரிக்கை விவாதத்தின் போது, இந்த பழைய உறவுகளை மறந்துவிட்டு முதலமைச்சர் விஜய் பேசியது தேவையற்றது என்று அவர் வாதாடினார்.

எனவே, காவல்துறை விவாதத் தலைப்பைத் தவிர்த்துவிட்டு, எந்தவித ஆதாரமும் இன்றி தனிப்பட்ட முறையில் மிசா குறித்தும், மாறன் குடும்பம் குறித்தும் முதலமைச்சர் விஜய் பேசிய பேச்சுகளை உடனடியாக அவைக் குறிப்பில் இருந்து நீக்க வேண்டும் என்று சபாநாயகரிடம் எ.வ.வேலு வலியுறுத்தியுள்ளார்.