LATEST NEWS
திமுக-வுக்கு அடுத்தடுத்து விழும் அடி… ₹1,427 கோடி மணல் கொள்ளை வழக்கில் சிக்கிய துரைமுருகன் மற்றும் 26 பேர்.. வெளியான பகீர் FIR..!!
ஆற்றுமணல் கொள்ளை தொடர்பாக அமைச்சர் துரைமுருகன் உள்ளிட்ட 27 பேர் மீது பதிவு செய்யப்பட்டுள்ள முதல் தகவல் அறிக்கையின் (FIR) விவரங்கள் தற்போது வெளியாகியுள்ளன. நான்கு மணல் குவாரிகளில் நடத்தப்பட்ட கணக்கெடுப்பில் சுமார் ₹1,427 கோடி அளவிற்கு மோசடி நடந்திருப்பது தெரியவந்துள்ளதாக அந்த அறிக்கையில் குறிப்பிடப்பட்டுள்ளது. தமிழக அரசியல் வட்டாரத்தில் இந்த விவகாரம் பெரும் பரபரப்பை ஏற்படுத்தியுள்ளது.
இந்த முறைகேடு தொடர்பாகத் தொடரப்பட்டுள்ள வழக்கில், துரைமுருகன் தவிர்த்து 18 அரசு அதிகாரிகள் மற்றும் 9 தனிநபர்கள் என மொத்தம் 27 பேர் சேர்க்கப்பட்டுள்ளனர். நிர்ணயிக்கப்பட்ட அளவை விட அதிகப்படியான மணல் அள்ளப்பட்டு அரசுக்குப் பெரும் வருவாய் இழப்பு ஏற்படுத்தப்பட்டதாக இந்த வழக்கில் குற்றம் சாட்டப்பட்டுள்ளது.
ஏற்கெனவே ஊழல் வழக்கு ஒன்றில் அன்பில் மகேஷ் சிறையில் உள்ள நிலையில், தற்போது மூத்த அமைச்சரான துரைமுருகன் மீதும் இத்தகைய வழக்குப் பதிவு செய்யப்பட்டிருப்பது திமுக தலைமைக்கு மேலும் நெருக்கடியை ஏற்படுத்தியுள்ளது. அடுத்தடுத்து வெளியாகும் இந்த ஊழல் குற்றச்சாட்டுகள் தமிழக அரசியலில் தீவிர விவாதங்களைத் தூண்டியுள்ளன.
