“பணம் இருந்தா போதாது.. பெரிய மனசு வேணும்..” ஷோரூம் வெளியே நின்று ஆசையாகப் பார்த்த குட்டிஸ்… தொழிலதிபர் செய்த நெகிழ்ச்சியான காரியம்..! இணையத்தை கலக்கும் வைரல் வீடியோ..!!

ஹைதராபாத்தில் ஒரு லம்போர்கினி கார் ஷோரூமுக்கு வெளியே நின்றுகொண்டு, உள்ளே ஜொலிக்கும் சூப்பர் காரை ஆசையுடன் பார்த்துக்கொண்டிருந்த இரண்டு பள்ளிக் குழந்தைகளை, அந்த ஷோரூமின் உரிமையாளர் அன்போடு உள்ளே அழைத்து அவர்களின் நீண்ட நாள் கனவை நனவாக்கியுள்ளார். யஷ்விகா மற்றும் விஹான் என்ற அந்தச் சிறுவர்கள், பொதுவாக இதுபோன்ற விலை உயர்ந்த ஷோரூம்களின் அருகே செல்லவே தயங்கும் நிலையில், ஷோரூமுக்கு வெளியே இருந்து கார்களைப் பார்த்து ரசித்துக்கொண்டிருந்தனர். இதைக் கவனித்த ஷோரூம் உரிமையாளர் நிஷாந்த் சபூ, எந்தவிதத் தயக்கமும் இன்றி அந்தப் பிஞ்சுக் குழந்தைகளை மிகுந்த பாசத்துடன் ஷோரூமுக்கு உள்ளே வருமாறு அன்புடன் அழைத்துள்ளார்.

குழந்தைகளை உள்ளே அழைத்துச் சென்றதுடன் மட்டும் நில்லாமல், தங்களுக்குப் பிடித்தமான கார்களின் அருகே சென்று நின்று பல அழகான புகைப்படங்களை எடுத்துக்கொள்ளவும் நிஷாந்த் ஏற்பாடு செய்தார். இது அந்தச் சிறுவர்களுக்கு அளவற்ற மகிழ்ச்சியைக் கொடுத்ததுடன், அவர்களுக்கு அது ஒரு மறக்க முடியாத பொன்னான தருணமாகவும் மாறியது. இருப்பினும் இந்தக் கதை இத்துடன் முடிவடையவில்லை; சில நாட்களுக்குப் பிறகு அந்தச் சிறுவர்கள் மீண்டும் ஷோரூமுக்கு வந்தபோது, நிஷாந்த் அவர்களின் மகிழ்ச்சியை மேலும் இரட்டிப்பாக்கும் வகையில் ஒரு அற்புதமான பரிசை வழங்க முன்வந்தார்.

https://www.instagram.com/reel/DdawHyPSy_v/?utm_source=ig_web_button_share_sheet

https://www.instagram.com/reel/DdslnzQS5ow/?utm_source=ig_web_button_share_sheet

நிஷாந்த் தனது நீல நிற பிரம்மாண்ட லம்போர்கினி காரில் அந்த இரண்டு குழந்தைகளையும் அமர வைத்து, ஹைதராபாத் நகரின் வீதிகளில் ஒரு மறக்க முடியாத சவாரிக்கு அழைத்துச் சென்றார். காரின் முன் இருக்கையில் நிஷாந்த் ஓட்ட, பின்னால் அமர்ந்திருந்த குழந்தைகளும் அருகில் இருந்த அவர்களின் தந்தையும் அடைந்த பெருமித மகிழ்ச்சி விலைமதிப்பற்றதாக இருந்தது. தற்போது இணையத்தில் வைரலாகி வரும் இந்த நெகிழ்ச்சியான வீடியோவை பார்க்கும் நெட்டிசன்கள் பலரும், “அமைதி மற்றும் பெருந்தன்மை பணத்தால் வராது, அது பெரிய மனதுக்கு மட்டுமே சொந்தம்” என்று கூறி தொழிலதிபர் நிஷாந்தின் இந்த நல்ல உள்ளத்தை வெகுவாகப் பாராட்டி வருகின்றனர்.