“கிரேன் கூட செய்ய முடியாத அதிசயம்..” சேற்றில் சிக்கிய பல டன் காய்கறி லாரி… வெறும் 5 நிமிடத்தில் ஊர் மக்கள் செய்த காரியத்தை பாருங்க.. இணையத்தில் வைரலாகும் மாஸ் வீடியோ..!!

புதிய காய்கறிகளை ஏற்றிச் சென்ற லாரி ஒன்று கட்டுப்பாட்டை இழந்து, சாலையோரப் புல்வெளியில் உள்ள சேற்றில் சிக்கிக் கொண்டது. அந்தப் பகுதியில் லாரியை மீட்கக்கூடிய பெரிய கிரேன் வசதி எதுவும் இல்லாததால், அந்த கனரக வாகனம் அங்கிருந்து நகர முடியாமல் நின்றது. லாரி நீண்ட நேரம் அங்கேயே சிக்கியிருந்தால், அதில் இருந்த புதிய காய்கறிகள் அனைத்தும் அழுகிப்போய், அந்த ஓட்டுநருக்குப் மிகப்பெரிய பொருளாதார இழப்பை ஏற்படுத்தியிருக்கும். லாரி ஓட்டுநர் தனது இக்கட்டான சூழ்நிலையை அந்தப் பகுதியில் வசிக்கும் உள்ளூர் மக்களிடம் விளக்கி, காய்கறிகள் வீணாவதற்குள் லாரியைச் சாலைக்குக் கொண்டு வருவது எவ்வளவு முக்கியம் என்பதை உருக்கமாக எடுத்துரைத்தார்.

ஓட்டுநரின் நிலையை உணர்ந்த அந்தப் பகுதி மக்கள் உடனடியாக அவருக்கு உதவ முன்வந்தனர். லாரியில் தடிமனான நீளமான கயிறுகளைக் கட்டி, சுமார் 300 உள்ளூர் மக்கள் ஒன்றிணைந்து லாரியை முழு பலத்துடன் ஒரே நேரத்தில் இழுத்தனர். இவர்களின் கூட்டு முயற்சியால், அதிக எடையுடன் இருந்த அந்த லாரி வெறும் ஐந்து நிமிடங்களுக்குள் பத்திரமாக மீட்கப்பட்டு மீண்டும் சாலைக்குக் கொண்டு வரப்பட்டது. கிரேனைக் கொண்டு செய்ய வேண்டிய ஒரு கடினமான வேலையை, 300 மனிதர்களின் கூட்டு உழைப்பு மிக எளிதாகச் சாதித்துக் காட்டியது. இந்தச் சம்பவம் ஒற்றுமையின் வலிமையையும், மனிதநேயத்தையும் பறைசாற்றுவதாக அமைந்தது.