தொகுப்பாளினி டிடிக்கு அடித்த அதிர்ஷ்டம்…. இது வேற லெவல்…. வாழ்த்தும் ரசிகர்கள்….!!!!

விஜய் டிவியில் எத்தனையோ தொகுப்பாளிகள் இருந்தாலும் அனைவரின் மனதிலும் நீங்கா இடம் பிடித்தவர் டிடி என்கிற திவ்யதர்ஷினி. இவர் பல்வேறு நிகழ்ச்சிகளை தொகுத்து வழங்கி வந்தாலும் ரசிகர்கள் மத்தியில் நல்ல புகழைத் தேடிக் கொடுத்த நிகழ்ச்சி காபி வித் டிடி. இவர் சின்னத்திரையில் மட்டுமல்லாமல் வெள்ளித்திரையிலும் படங்களில் நடிக்க தொடங்கியுள்ளார்.  இதனிடையே பல சூப்பர் ஹிட் நிகழ்ச்சிகளை தொகுத்து வழங்கி வந்த டிடி தற்போது உடல் நல குறைவு காரணமாக நிகழ்ச்சிகளை தொகுத்து வழங்குவதை நிறுத்திவிட்டார்.

முக்கியமான படங்களின் ப்ரோமோஷன் இன்டர்வியூ மட்டும் தொகுத்து வழங்கி வரும் இவர் இணையத்தில் எப்போதும் ஆக்டிவாக இருப்பது வழக்கம். அடிக்கடி தனது புகைப்படங்களை இணையத்தில் பகிர்ந்து  வருகிறார். இந்நிலையில் பல்வேறு துறைகளில் சிறந்து விளங்கும் சாதனையாளர்களை கௌரவிக்கும் விதமாக ஐக்கிய அரபு அமீரக அரசாங்கம் கோல்டன் விசா வழங்கி வரும் நிலையில் இதுவரை பல நடிகர்களும் இந்த கோல்டன் விசாவை பெற்றுள்ளனர்.

அவ்வகையில் தற்போது கோல்டன் விசா தமிழ் தொகுப்பாளினியாக திகழும் டிடிக்கு கிடைத்துள்ளது. பிரபல நிகழ்ச்சி தொகுப்பாளினியான டிடி என்ற திவ்யதர்ஷினிக்கு கோல்டன் விசா வழங்கப்பட்டுள்ள நிலையில் அதற்கு மிக்க நன்றி தெரிவித்து சமூக வலைத்தளங்களில் புகைப்படங்களை வெளியிட்டு டிடி தனது மகிழ்ச்சியை வெளிப்படுத்தியுள்ளார்.