LATEST NEWS
“ஈபிஎஸ்-ஸும் திமுகவும் ஒன்னுதான்!” – அதிமுக, திமுகவை ஒரே தட்டில் வைத்து வெளுத்த தவெக அமைச்சர் செங்கோட்டையன்… தமிழக அரசியலில் அதிரடி பரபரப்பு..!!
அதிமுக பொதுச்செயலாளர் எடப்பாடி பழனிசாமி மற்றும் திமுக ஆகிய இரு தரப்பும் அடிப்படையில் ஒன்றுதான் என்று தவெக அரசின் பள்ளி கல்வித்துறை அமைச்சர் கே.ஏ.செங்கோட்டையன் விமர்சித்துள்ளார். ஒவ்வொரு ஆட்சியாளரும் தங்களது ஆட்சி காலத்தில் மக்களுக்குரிய பணிகளைச் செய்வது அவர்களின் கடமையாகும் என அவர் குறிப்பிட்டுள்ளார். மேலும், திமுகவினர் மற்றும் அவர்களது ஆதரவாளர்கள் அநாகரிகமான முறையில் பேசுவதை திமுக தலைமை சாதாரணமாக ஏற்றுக்கொண்டுள்ளதாகவும், அத்தகைய அநாகரிகப் பேச்சுகளை அவர்கள் உடனடியாகத் தடுத்து நிறுத்த வேண்டும் என்றும் அமைச்சர் செங்கோட்டையன் வலியுறுத்தியுள்ளார்.
திராவிட இயக்கத்தின் வழியில் வந்தவர்கள் மற்றும் அதன் கொள்கைகளைப் பின்பற்றுபவர்கள் எப்போதுமே அரசியல் மேடைகளிலும், பொதுவெளியிலும் கண்ணியமான முறையிலேயே பேச வேண்டும் என்று அவர் கேட்டுக்கொண்டுள்ளார். தவெக அமைச்சரின் இந்த விமர்சனம், தமிழக அரசியல் களத்தில் திமுக, அதிமுக மற்றும் தவெக ஆகிய கட்சிகளுக்கிடையேயான அரசியல் விவாதங்களை மேலும் தீவிரப்படுத்தியுள்ளது.
