அடப்பாவமே..! திருட்டுக்கு பயந்து… நிலத்தை வித்த காசை வயல்ல புதைச்ச விவசாயி… கொஞ்ச நாள் கழித்து எடுத்தபோது காத்திருந்த பயங்கர அதிர்ச்சி…!!

விவசாயி மாங்கி லால் தனது நிலத்தை விற்றபோது, அவருக்கு 5 லட்சம் ரூபாய் கிடைத்தது. அந்தப் பணத்தை வீட்டில் வைத்தால் திருடு போய்விடும் என்ற பயமும், அல்லது தனது மகன் முழுவதையும் செலவழித்து விடுவான் என்ற கவலையும் அவருக்கு இருந்தது. இதனால், யாருக்கும் தெரியாமல் தனது வயலிலேயே ஒரு குழி தோண்டி, அந்த 5 லட்சம் ரூபாயையும் புதைத்து வைத்தார். இந்த விஷயத்தை அவர் தனது குடும்பத்தினரிடம் கூட தெரிவிக்கவில்லை.

சில காலத்திற்குப் பிறகு, வீடு கட்டுவதற்காகப் பணம் தேவைப்பட்டபோது, புதைத்து வைத்த பணத்தை எடுக்க விவசாயி முடிவு செய்தார். ஆனால், அதற்குள் பணத்தை வயலின் எந்த இடத்தில் புதைத்தோம் என்பதை அவர் முற்றிலுமாக மறந்துவிட்டார். பல நாட்களாக வயலின் பல இடங்களில் தோண்டித் தேடிப் பார்த்தும், அவரால் அந்தப் பணத்தைக் கண்டுபிடிக்கவே முடியவில்லை.

அதன்பின்னர், மழைக்காலம் தொடங்கி வயலில் விதைப்புப் பணிகள் நடைபெற்றபோது, புதைக்கப்பட்டிருந்த பணப் பை எதிர்பாராதவிதமாக வெளியே வந்தது. மகிழ்ச்சியுடன் அந்தப் பையைத் திறந்து பார்த்த விவசாயிக்கு பேரதிர்ச்சி காத்திருந்தது. பைக்குள் இருந்த 500 ரூபாய் நோட்டுகள் அனைத்தையும் கரையான்கள் அரித்துச் சிதைத்திருந்தன. இறுதியில், வெறும் நோட்டுத் துண்டுகள் மட்டுமே எஞ்சியிருக்க, விவசாயி செய்வதறியாது திகைத்து நின்றார்.