“பெண்ணாக மாறத் துடித்த மகன்” 5 வருட மனநலச் சிகிச்சை, தனி வீடு… தாயைப் பார்க்க வந்த இடத்தில் நடந்த கொடூரம்… போலீசாரையே அதிரவைத்த போன்கால்..!

லக்னோவின் நாகா காவல் எல்லைக்குட்பட்ட ராஜேந்திர நகரில் உள்ள விஜன் அபார்ட்மெண்டில், 17 வயது சிறுவன் ஒருவன் தனது 42 வயது தாயாரை இரும்புக் கம்பியால் தாக்கி கொடூரமாகக் கொலை செய்த சம்பவம் பெரும் அதிர்ச்சியை ஏற்படுத்தியுள்ளது. கடந்த 5-6 ஆண்டுகளாகக் கடுமையான மனநலப் பிரச்சினையால் பாதிக்கப்பட்டிருந்த அந்தச் சிறுவன், தன்னைப் பெண்ணாகக் கருதத் தொடங்கியதாக அவனது தந்தை தெரிவித்துள்ளார். சிறுவனின் தீவிரமான மனநிலை மாற்றம் மற்றும் கட்டுப்பாடற்ற கோபத்தின் காரணமாக, கடந்த 4 மாதங்களாக அவனுக்குத் தனியாக வாடகை அறை எடுத்துத் தங்க வைக்கப்பட்டிருந்தான்.

சம்பவத்தன்று தாயைப் பார்க்க வேண்டும் என்ற ஆசையில் வீட்டிற்கு வந்த சிறுவனுக்கும், தாயாருக்கும் இடையே திடீரென வாக்குவாதம் ஏற்பட்டுள்ளது. ஆத்திரமடைந்த சிறுவன் அருகில் இருந்த கனமான இரும்புக் கம்பியை எடுத்து தாயின் தலையில் பலமாகத் தாக்கியதில், அதிக ரத்தப்போக்கு ஏற்பட்டு தாய் சம்பவ இடத்திலேயே பரிதாபமாக உயிரிழந்தார். இக்கொடூரச் சம்பவத்திற்குப் பிறகு, சிறுவனே நேரடியாகக் காவல் கட்டுப்பாட்டு அறைக்குத் தொடர்பு கொண்டு, “நான் என் தாயைக் கொன்றுவிட்டேன், வாருங்கள்” எனத் தகவல் தெரிவித்துள்ளான்.

தகவல் அறிந்து விரைந்து வந்த நாகா காவல் நிலையப் போலிஸார், சிறுவனைக் காவலில் எடுத்து விசாரணை நடத்தி வருகின்றனர். தடயவியல் நிபுணர்கள் சம்பவ இடத்திலிருந்து ரத்த மாதிரிகள், கைரேகைகள் மற்றும் கொலைக்குப் பயன்படுத்தப்பட்ட இரும்புக் கம்பியைக் கைப்பற்றியுள்ளனர். சிறுவனின் மனநலச் சிகிச்சை தொடர்பான ஆவணங்களை ஆய்வு செய்து, குழந்தைகள் நல வழிகாட்டுதலின்படி காவல்துறையினர் மேலதிக விசாரணையை மேற்கொண்டு வருகின்றனர்.