வீட்டிற்குள் புகுந்து வளர்ப்பு நாயைக் கவ்விச் சென்ற சிறுத்தை… அடுத்த நொடியே குளியலறைக்குள் காத்திருந்த அதிர்ச்சி… திகில் வீடியோ வைரல்..!!

உத்தரகாண்ட் மாநிலம் ருத்ரபிரயாக் மாவட்டத்தில் உள்ள சுமாடி பஜார் பகுதியில், மக்கள் நடமாட்டம் மிகுந்த குடியிருப்புப் பகுதிக்குள் புகுந்த சிறுத்தை ஒன்றால் பெரும் பரபரப்பு ஏற்பட்டது. தினேஷ் தப்லியால் என்பவரது வீட்டிற்குள் நுழைந்த அந்தச் சிறுத்தை, அங்கிருந்த வளர்ப்பு நாயைத் தாக்கிக் கொன்றதுடன், அதனைக் குளியலறைக்குள் இழுத்துச் சென்றது.

அப்போது அங்கிருந்த மக்கள் அச்சப்படாமல் மிகுந்த துணிச்சலுடனும் சமயோசித புத்தியுடனும் செயல்பட்டு, குளியலறைக் கதவை வெளிப்புறமாகப் பூட்டிச் சிறுத்தையை உள்ளேயே சிறைபிடித்தனர். இது குறித்த வீடியோ சமூக வலைதளங்களில் வைரலான நிலையில், தகவல் அறிந்து சம்பவ இடத்திற்கு விரைந்து வந்த வனத்துறையினர் சிறுத்தையைப் பாதுகாப்பாக மீட்கும் பணியில் ஈடுபட்டனர்.

கடந்த சில நாட்களாகவே இப்பகுதியில் சிறுத்தையின் நடமாட்டம் இருந்த நிலையில், தற்போது வீடுகளுக்குள்ளேயே சிறுத்தை புகுந்துள்ளதால் குழந்தைகள் மற்றும் முதியவர்களின் பாதுகாப்பு குறித்து கிராம மக்கள் அச்சமடைந்துள்ளனர். எனவே, வனத்துறையினர் அப்பகுதியில் உடனடியாகக் கூண்டு வைத்துச் சிறுத்தையைப் பிடிக்க வேண்டும் என்றும், இரவு நேர ரோந்துப் பணிகளைத் தீவிரப்படுத்த வேண்டும் என்றும் பொதுமக்கள் கோரிக்கை விடுத்துள்ளனர்.