திடீர் டுவிஸ்ட்..! “என் அரசியல் ஆசான் திருமாவளவன்” உதயநிதி போட்ட திடீர் குண்டு.. அதிரும் அரசியல் களம்..!!

தமிழக சட்டப்பேரவையில் தன்னை “அரசியல் ஆசான்” என்று நெகிழ்ச்சியோடு குறிப்பிட்ட எதிர்க்கட்சித் தலைவர் உதயநிதி ஸ்டாலினுக்கு, விடுதலைச் சிறுத்தைகள் கட்சியின் தலைவர் தொல். திருமாவளவன் தனது நன்றியைத் தெரிவித்துள்ளார். எந்தவித எதிர்பார்ப்புமின்றி, உள்ளார்ந்த உணர்வின் அடிப்படையில் மனம் திறந்து உதயநிதி இதனை வெளிப்படுத்தியுள்ளதாகப் பாராட்டியுள்ள திருமாவளவன், சட்டமன்றத் தேர்தல் பிரசார நேரத்திலும் அவர் தன்னை “ஆசான்” என்று கூறியிருந்ததை இந்த நெகிழ்வான தருணத்தில் நினைவு கூர்ந்துள்ளார்.

அதேவேளையில், உதயநிதியின் இந்த எதார்த்தமான அறிவிப்பைப் பொறுத்துக் கொள்ள முடியாமல் சிலர் தொடர்ந்து எதிர்மறையான கருத்துகளைப் பேசி வருவதாகச் சாடியுள்ள விசிக தலைவர், விசிக தொண்டர்கள் யாரும் இதற்கு எதிர்விமர்சனம் செய்ய வேண்டாம் என்றும் அறிவுறுத்தியுள்ளார். இருதரப்பு அரசியல் உறவிலும் எந்தவொரு தயக்கமும், நெருடலும் இல்லாமல் கொள்கைக் கூட்டணியாக இது தொடர்வதையே இவர்களின் இணக்கமான பேச்சுகள் காட்டுவதாக அரசியல் வட்டாரங்கள் குறிப்பிடுகின்றன.