உங்களுக்கு என்னதான் பிரச்சனை?” -மேடையிலேயே கொந்தளித்த பார்த்திபன்..! நடுநடுங்கிப்போன ‘ட்ரெயின்’ படவிழா அரங்கம்…வைரலாகும் வீடியோ காட்சி…!!

இயக்குனர் மிஷ்கினின் ‘ட்ரெயின்’ திரைப்பட ட்ரைலர் வெளியீட்டு விழாவில் கலந்துகொண்ட நடிகர் பார்த்திபன், தனது வழக்கமான மாறுபட்ட பாணியில் உரையாற்றினார். இந்தத் திரைப்படம் ஒரு ஹாலிவுட் படத்திற்கு இணையான தரத்தில் உருவாக்கப்பட்டுள்ளதாகப் பாராட்டிய அவர், மிஷ்கினின் உள்ளொன்று வைத்துப் புறமொன்று பேசாத நேர்மையான குணத்தை மறைந்த நடிகர் எம்.ஆர். ராதாவுடன் ஒப்பிட்டுப் புகழ்ந்தார். மேலும், மனிதர்களின் இரட்டை நிலைப்பாடுகளைப் பற்றிப் பேசிய அவர், தனது வரவிருக்கும் ‘உள்ளே வெளியே 2’ திரைப்படத்தை விளம்பரப்படுத்தும் விதமாகத் தான் அணிந்திருந்த சட்டையைத் திருப்பிப் போட்டு வந்திருந்ததைச் சுட்டிக்காட்டி அனைவரின் கவனத்தையும் ஈர்த்தார்.

விழாவின் தொடக்கத்தில், ரசிர்களின் உற்சாகமான விசில் சத்தமே ஒரு படத்தின் வெற்றியைத் தீர்மானிக்கும் முக்கிய அம்சம் என்று கூறி அவர்களுக்கு பார்த்திபன் தனது நன்றியைத் தெரிவித்தார். இருப்பினும், அவர் தொடர்ந்து பேசிக்கொண்டிருந்தபோது, கூட்டத்தில் இருந்த சில ரசிகர்கள் எந்தக் காரணமுமின்றித் தொடர்ந்து விசில் அடித்து இடையூறு செய்து கொண்டே இருந்தனர். ஒரு கட்டத்தில் இதனால் பொறுமையிழந்த அவர், “உங்களுக்கு என்னதான் பிரச்சனை? எதற்காக இப்படிச் செய்கிறீர்கள்?” என்று கோபமாக மேடையிலேயே ரசிகர்களைப் பார்த்துக் கடிந்து கொண்டது, அந்த விழா அரங்கில் சிறிது நேரம் எதிர்பாராத பரபரப்பை உண்டாக்கியது