“இப்படி ஒரு புருஷன் கிடைக்க குடுத்து வச்சிருக்கணும்..” மனைவிக்கு உடம்பு சரியில்லைனு தெரிஞ்சதும் ஓடோடி வந்த கணவன்… நெட்டிசன்களை உருக வைத்த நெகிழ்ச்சி சம்பவம்..! இணையத்தை கலக்கும் வைரல் வீடியோ..!!

சில நேரங்களில் அன்பை வெளிப்படுத்த பெரிய பரிசுகள் தேவையில்லை, அக்கறையோடு செய்யும் ஒரு சிறிய உதவிதான் இதயத்தை வெல்லும். அப்படிப்பட்ட ஒரு வீடியோ இணையத்தில் மக்களின் கவனத்தை ஈர்த்து வருகிறது. வீட்டில் வேலை செய்யும் பெண் ஒருவருக்கு உடலநலம் சரியில்லாததால், அவருக்கு உதவியாக அவருடைய கணவர் வேலை செய்யும் இடத்திற்கே வந்து சமையலறையில் கைகோர்த்து வேலை செய்தார். ‘பூர்ணா ஸ்ரீவத்சா’ என்பவரின் இன்ஸ்டாகிராம் பக்கத்தில் பகிரப்பட்ட இந்த வீடியோவில், தம்பதியர் இருவரும் சமையலறையில் சேர்ந்து வேலை செய்வதும், மனைவி சீக்கிரம் வேலையை முடிக்க கணவர் உதவி செய்வதும் இடம்பெற்றுள்ளது.

இந்த வீடியோ வைரலானதைத் தொடர்ந்து இணையவாசிகளிடமிருந்து கலவையான கருத்துகள் வரத் தொடங்கின. இதனால் வீடியோவை பதிவிட்ட பூர்ணா விளக்கமளிக்கும் வகையில், “வெறும் வார்த்தைகளால் மட்டும் பேசாமல், தேவைப்படும் நேரத்தில் ஒரு படி முன்னால் வந்து நிஜமாகவே ஆதரவாக நிற்கும் ஒரு வாழ்க்கைத் துணையைத்தான் இந்த வீடியோ காட்டுகிறது. அன்பின் இந்தச் சிறிய செயல் என்னை நெகிழ வைத்ததால் இதைப் பகிர்ந்தேன். வாழ்க்கையில் இதுபோன்ற சிறிய தருணங்களே மிகவும் முக்கியம்” என்று குறிப்பிட்டுள்ளார். மேலும், அந்தப் பெண் வேலைக்கு வந்த பிறகே தனக்கு உடல்நிலை சரியில்லை என்று கூறியதாகவும், உடனே அவரை ஓய்வெடுக்குமாறு தான் கூறியதாகவும் பூர்ணா தெளிவுபடுத்தினார்.

https://www.instagram.com/reel/DcSPzxwSJJi/?utm_source=ig_web_button_share_sheet

இந்த வீடியோவைக் கண்ட பயனர்கள் பலவிதமான கருத்துகளைப் பதிவு செய்து வருகின்றனர். கணவரின் இந்த அக்கறையான செயலைப் பாராட்டி, “இப்படிப்பட்ட ஒரு துணை கிடைக்க அவர் கொடுத்து வைத்திருக்க வேண்டும்” என்று சிலர் நெகிழ்ந்து கூறினர். மற்றொரு பயனர் தனது வீட்டின் பணிப்பெண்ணைப் பற்றிக் குறிப்பிடுகையில், “எனது வீட்டு பணிப்பெண்ணுக்கு உடல்நிலை சரியில்லாத போதெல்லாம் அவரது கணவர்தான் சமையல், சுத்தம் செய்தல், துணி துவைத்தல் என எல்லாவற்றையும் பார்த்துக்கொள்வார்” என்று பதிவிட்டுள்ளார். அதேவேளையில், வேறொருவரின் வீட்டிற்குள் கணவரை வேலைக்கு அழைத்து வருவது சரியா என்ற கேள்வியையும் சிலர் எழுப்பியுள்ளனர்.