CRIME
“அடிப்பாவி..! காதலனுடன் ஊர்சுற்றத் திட்டம்… சிசிடிவியில் சிக்காமல் இருக்க ரூட் மேப்…” கணவனைத் தீர்த்துக்கட்ட பக்கா பிளான் போட்ட கொடூர மனைவி.. அதிர்ந்துபோன போலீஸ்..!!
உத்தரப் பிரதேச மாநிலம் பப்காட் பகுதியில், தன் கணவனைக் கொடூரமாகக் கொலை செய்ய மனைவியும் அவரது காதலனும் இணைந்து திட்டமிட்ட சம்பவம் பெரும் அதிர்ச்சியை ஏற்படுத்தியுள்ளது. சிசிடிவி கேமராக்களில் சிக்காமல் இருக்க அவர் எந்தப் பாதையில் செல்ல வேண்டும் என்பது முதல், கணவனின் மதுபானத்தில் கலப்பதற்காக தூக்க மாத்திரைகளைக் கொடுத்தனுப்பியது வரை அனைத்து விவரங்களையும் அந்தப் பெண் நுணுக்கமாகத் திட்டமிட்டுள்ளார்.
காதலன் இந்தத் திட்டத்தை நடைமுறைப்படுத்தி கொலையை அரங்கேற்றும் ஒவ்வொரு கணமும், வாட்ஸ்அப் மூலம் அது குறித்த தொடர்ச்சியான நிலவரங்களையும், தகவல்களையும் அந்தப் பெண் கேட்டுத் தெரிந்து கொண்டுள்ளார். கணவனைப் படுகொலை செய்துவிட்டு, தன் காதலனுடன் டேராடூனுக்குத் தப்பிச் சென்று அங்கு ஒரு புதிய வாழ்க்கையைத் தொடங்க வேண்டும் என்பதே இந்தத் கொடூரத் திட்டத்தின் பிரதான நோக்கம் என்று காவல்துறையினர் விசாரணையில் தெரியப்படுத்தியுள்ளனர்.
இந்தச் சம்பவம் குறித்துத் தகவல் அறிந்த காவல்துறையினர், தீவிர விசாரணை மேற்கொண்டு குற்றவாளிகளைக் கைது செய்துள்ளனர். திட்டமிட்டுக் கணவரைக் கொலை செய்த இந்தச் சம்பவம் அப்பகுதியில் பெரும் பரபரப்பையும், அதிர்ச்சியையும் ஏற்படுத்தியுள்ளது.
