“உங்களை கொன்று கூட அவன் வெற்றியை தேடுவான்” அரசியல்னா இதான்… தனிநபர் ஈர்ப்பு குறித்து நடிகர் இளவரசு ஓபன் டாக்.. பெரும் பரபரப்பு..!!

தமிழக அரசியல் களத்தில் பரபரப்பை ஏற்படுத்தியுள்ள தனியார் தொலைக்காட்சி விவாத நிகழ்ச்சி ஒன்றில், நடிகரும் ஒளிப்பதிவாளருமான இளவரசு கலந்துகொண்டு பேசினார். மறைந்த பிரபல இயக்குனர் பாரதிராஜாவின் படங்கள் மற்றும் அவர் சினிமாவில் கையாண்ட அரசியல் கருத்தியல்கள் குறித்த சிறப்பு விவாதத்தில் பங்கேற்ற இளவரசு, பாரதிராஜாவின் இயக்கத்தில் வெளியான ‘என் உயிர்த் தோழன்’ மற்றும் ‘நிழல்கள்’ ஆகிய படங்கள் பேசிய சமூகக் கருத்துக்களைச் சுட்டிக்காட்டி தனது முக்கிய கருத்துக்களைப் பகிர்ந்து கொண்டார்.

அரசியலில் தனிநபர் ஈர்ப்பு குறித்துப் பேசிய இளவரசு, தமிழ்நாட்டின் வரலாற்றிலேயே ‘பிடித்த அரசியல்’ எனப்படும் தனிநபர் வழிபாட்டு அரசியலால் ‘கருத்தியல் அரசியல்’ தொடர்ந்து தோற்றுக்கொண்டே இருக்கிறது என்று குறிப்பிட்டார். மேலும், ‘என் உயிர்த் தோழன்’ திரைப்படம் இன்றைய இளைஞர்களுக்கான ஒரு சிறந்த பாடம் என்று கூறிய அவர், யாரையும் கண்மூடித்தனமாக நம்பி அனாதையாகப் போய்விடக் கூடாது என்றும், அரசியல்வாதிகள் தங்களின் வெற்றிக்காக உங்களைக் கொன்று கூட வெற்றியைத் தேடுவார்கள் என்பதுதான் அந்தப் படத்தில் சொல்லப்பட்ட மிகச் சிறந்த அரசியல் என்றும், இது அனைத்துக் காலகட்டத்திற்கும் பொருந்தும் என்றும் ஓப்பனாகப் பேசினார்.

தொடர்ந்து இளைஞர்களுக்கு அறிவுரை வழங்கிய அவர், இளைஞர்கள் கற்பனை உலகிலோ அல்லது மாயையிலோ வாழக் கூடாது என்றும், அவ்வாறு வாழ்ந்தால் எங்கே போய் முடிப்போம் என்று தெரியாது என்றும் எச்சரித்தார். இளமை என்பது நிரந்தரமானது அல்ல என்பதால், உளவியல் ரீதியாகத் தங்களைத் தக்க வைத்துக் கொள்ள இளைஞர்கள் பகுத்தறிந்து வாழ பழக வேண்டும் என்று வலியுறுத்தினார். இந்த வீடியோ தற்போது சமூக வலைத்தளங்களில் வைரலாகி வரும் நிலையில், அண்மைய தேர்தல் அரசியலில் ரசிக அரசியலே முன்னிற்கிறது என்ற விவாதத்தை நெட்டிசன்கள் மத்தியில் கிளப்பியுள்ளது.