ஓடும் ரயிலில் திடீரென பற்றிய தீ.. அலறியடித்த பயணிகள்.. 4 பெட்டிகள் தீக்கிரையான பயங்கரம்.. வைரலாகும் ஷாக்கிங் வீடியோ..!!

பஞ்சாப் மாநிலம் அமிர்தசரசிலிருந்து ஜல்பைகுரி நோக்கிச் சென்று கொண்டிருந்த கர்மபூமி எக்ஸ்பிரஸ் ரயிலின் நான்கு பெட்டிகளில் திடீரென பயங்கர தீ விபத்து ஏற்பட்டுள்ளது. ரயில் சென்று கொண்டிருந்தபோது எதிர்பாராதவிதமாக இந்த அக்னி விபத்து நேரிட்டது. எனினும், பெட்டிகளில் தீப்பிடித்த உடனே பயணிகள் அனைவரும் மிகுந்த எச்சரிக்கையுடனும் சமயோசிதத்துடனும் செயல்பட்டு, ரயிலை நிறுத்தச் செய்து உடனடியாகக் கீழே இறங்கியதால் நூலிழையில் பெரும் உயிர்ச்சேதம் தவிர்க்கப்பட்டது.

இதுகுறித்து பாட்டியாலா மாவட்ட துணை ஆணையர் ஹிமான்சு அகர்வால் கூறுகையில், பயணிகள் விழிப்புடன் செயல்பட்டதால் இந்த விபத்தில் யாருக்கும் எவ்வித உயிர் பாதிப்பும் ஏற்படவில்லை என நிம்மதியுடன் உறுதிப்படுத்தியுள்ளார். தீ விபத்தால் பாதிக்கப்பட்ட பயணிகள் அனைவரும் தங்களது இடங்களுக்குப் பாதுகாப்பாகச் சென்றடைவதை உறுதி செய்யும் வகையில், ரயில்வே துறை சார்பில் உடனடியாக ஒரு சிறப்பு ரயில் ஏற்பாடு செய்யப்பட்டு வருவதாக அதிகாரிகள் தெரிவித்துள்ளனர். இச்சம்பவம் குறித்து ரயில்வே பாதுகாப்புப் படையினர் வழக்குப் பதிவு செய்து தீ விபத்திற்கான காரணம் குறித்து தீவிர விசாரணை நடத்தி வருகின்றனர்.