கல்யாணமா..? அப்படின்னா மொட்டை தான்..! இணையத்தை அதிர வைத்த இளம் பெண்… இது எதிர்ப்பா..? இல்ல வெறும் ரீல்ஸா..?!

சமூக வலைதளங்களில் கீர்த்தனா மேனன் என்ற இளம் பெண் நாற்காலியில் அமர்ந்து எவ்வித தயக்கமும், வருத்தமும் இன்றி தனது மொட்டை அடித்துக் கொள்ளும் வீடியோ ஒன்று சமீபத்தில் வெளியாகி மிகவும் வேகமாக வைரலாகி வருகிறது. அந்த வீடியோவில், “POV: எனது அம்மா எனக்குத் திருமணம் நிச்சயம் செய்துவிட்டார்” என்ற வாசகம் எழுதப்பட்டிருந்தது. இந்த ஒரு வரி வாசகமும், அந்தப் பெண்ணின் செயலும் இணையவாசிகளிடையே பெரும் பரபரப்பை ஏற்படுத்தி, விவாதப் பொருளாக மாறியுள்ளது.

இந்த வீடியோவைப் பார்த்த சமூக ஊடகப் பயனர்கள் இரு வேறு கருத்துக்களை முன்வைத்து வருகின்றனர். ஒரு தரப்பினர், அந்தப் பெண் தனது விருப்பத்திற்கு மாறாக பெற்றோரால் நிச்சயம் செய்யப்பட்ட திருமணத்தை எதிர்க்கும் விதமாகத்தான் இந்த விசித்திரமான முடிவை எடுத்திருக்கிறார் என்று கூறி, அவரது தைரியத்தைப் பாராட்டி வருகின்றனர். ஆனால், மற்றொரு தரப்பினரோ இது ஏதேனும் ஆன்மீக நேர்த்திக்கடன், தலைமுடி தானம் அல்லது வெறுமனே சமூக வலைதளங்களில் லைக்ஸ் மற்றும் வியூஸ்களைப் பெற்று பிரபலமடைவதற்காக செய்யப்பட்ட செயலாக இருக்கலாம் என்று பதிவிட்டு வருகின்றனர்.

https://www.instagram.com/reel/DanMEFEtCPW/?utm_source=ig_web_button_share_sheet

இந்த வீடியோ இணையத்தில் பெரும் விவாதத்தை ஏற்படுத்தியிருந்தாலும், இதன் பின்னணியில் உள்ள உண்மைக் கதை இன்னும் மர்மமாகவே உள்ளது. தான் திருமண எதிர்ப்பின் காரணமாகத்தான் மொட்டை அடித்துக் கொண்டேன் என்று கீர்த்தனா மேனன் அந்த வீடியோவிலோ அல்லது தனது பதிவுகளிலோ எங்கும் அதிகாரப்பூர்வமாகத் தெரிவிக்கவில்லை. எனவே, அவரிடமிருந்து முறையான விளக்கம் வெளிவரும் வரை, நெட்டிசன்களின் கருத்துக்கள் யாவும் வெறும் கணிப்புகளாகவே இருக்கின்றன. இருப்பினும், இந்தச் சிறிய வீடியோ கிளிப் ஒட்டுமொத்த இணைய உலகத்தின் கவனத்தையும் ஈர்த்துள்ளது என்பது குறிப்பிடத்தக்கது.