“3 வருஷமா சொந்த காசை போட்டு புதுப்பிச்சேன்.. காலி பண்ணும்போது இப்படி ஒரு அநியாயமா..?” முள்வேலியை அகற்றியதால் முன்பணத்தை பிடித்த உரிமையாளர்..! கதறும் பெண்..!!

தில்லையைச் சேர்ந்த பெண் தொழிலதிபர் ஸ்ருஷ்டி சௌத்ரி என்பவர், தான் வாடகைக்கு இருந்த இடத்தைக் காலி செய்யும்போது, அதன் உரிமையாளர் தனது முன்பணத்திலிருந்து பணத்தைப் பிடித்தம் செய்ய முற்படுவதாகக் குற்றம் சாட்டியுள்ளார். நுழைவாயிலில் அமைக்கப்பட்டிருந்த முள்வேலி மற்றும் மூங்கில் அமைப்பை அகற்றியது தொடர்பாக இந்தச் சிக்கல் எழுந்துள்ளது. கடந்த மூன்று ஆண்டுகளாகப் பயன்படுத்திய இந்த இடத்தை, ஆரம்பத்தில் மிக மோசமான நிலையில் இருந்தபோது சொந்தச் செலவிலும் முயற்சியிலும் வாடிக்கையாளர்கள் வந்து செல்லும் வகையில் ஒரு வணிக இடமாக மாற்றியதாக ஸ்ருஷ்டி தெரிவித்துள்ளார். தான் அமைத்த மூங்கில் கட்டமைப்பைத் தானே அகற்றிய நிலையில், நுழைவாயிலில் இருந்த முள்வேலியையும் அகற்றியதற்கு வீட்டு உரிமையாளர் எதிர்ப்பு தெரிவித்துள்ளார்.

நுழைவாயிலில் முள்வேலி இருந்ததால், தொழிலுக்காக வரும் வாடிக்கையாளர்களுக்கு அது வரவேற்பளிப்பதாக இல்லை என்பதாலேயே அதைத் தான் அகற்றியதாக ஸ்ருஷ்டி கூறுகிறார். ஆனால், முள்வேலியை அகற்றியதால் பாதுகாப்புப் பிரச்சனை ஏற்பட்டுள்ளதாகவும், அதற்கான கட்டணத்தைச் முன்பணத்திலிருந்து கழித்துக் கொள்வதாகவும் வீட்டு உரிமையாளர் தெரிவித்துள்ளார். மேலும், அந்த இடத்தில் நீண்ட காலமாகப் பராமரிப்புப் பணிகள் மேற்கொள்ளப்படாமல் கசிவுப் பிரச்சனைகள் இருந்ததையும் ஸ்ருஷ்டி சுட்டிக்காட்டியுள்ளார். மோசமான நிலையில் இருந்த இடத்தை மேம்படுத்தத் தனது நேரத்தையும் பணத்தையும் செலவிட்ட பிறகும், இது போன்ற காரணங்களைக் கூறி முன்பணத்தைப் பிடித்தம் செய்வது நியாயமற்றது என்றும், இதனால் ஏற்படும் மனஉளைச்சல் காரணமாகவே அவ்விடத்தைக் காலிசெய்வதாகவும் அவர் வேதனை தெரிவித்துள்ளார்.

https://www.instagram.com/reel/Dd50ATOzgIT/?utm_source=ig_web_button_share_sheet

இது குறித்துச் சமூக வலைத்தளத்தில் வீடியோ மற்றும் பதிவைப் பகிர்ந்த ஸ்ருஷ்டி, அந்தப் பிராப்பர்ட்டி பல ஆண்டுகளாகப் பயன்படுத்தப்படாமல் மிகவும் சிதிலமடைந்த நிலையில் இருந்ததாகவும், தங்களின் அறிவோடுதான் முள்வேலி அகற்றப்பட்டது என்றும் தெளிவுபடுத்தியுள்ளார். மூன்று ஆண்டுகளாக இருவருக்கும் இடையே இணக்கமான உறவு இருந்தபோதிலும், வாடகை ஒப்பந்தம் முடியும் தருவாயில் இத்தகைய மோதல் ஏற்பட்டது மிகவும் ஏமாற்றமளிப்பதாக அவர் குறிப்பிட்டுள்ளார். ஆரம்பத்தில் யாரும் வணிகம் செய்ய யோசிக்காத ஒரு இடத்தை மூன்று ஆண்டுகள் உழைத்து மேம்படுத்திய பிறகு, வெளியேறும்போது முன்பணம் தொடர்பான இந்த மோதல் முந்தைய நல்ல அனுபவங்கள் அனைத்தையும் கசப்பானதாக மாற்றிவிட்டதாக அவர் அதில் தெரிவித்துள்ளார்.