“பிரச்சினை வரக்கூடாதுனா ரூ.8 லட்சம் கொடு..!” ரூ.4 லட்சம் வாங்கியபோது ஏசிபி வலையில் சிக்கிய லேடி அதிகாரி.. பரபரப்பு பின்னணி..!!

ஹைதராபாத் மெஹ்திபட்டினத்தில் உள்ள ஜிஎஹெச்சி கோல்கொண்டா மண்டலத்தின் நகர திட்டமிடல் மேற்பார்வையாளராகப் பணியாற்றி வந்த துளசிராம் சுனிதா என்பவரை, 4 லட்சம் ரூபாய் லஞ்சம் வாங்கியபோது ஊழல் தடுப்புப் பிரிவு அதிகாரிகள் நேற்று அதிரடியாகக் கைது செய்தனர். கட்டிடக் கட்டுமானப் பணிகளை எவ்வித தடையுமின்றித் தொடர அனுமதிப்பதற்கும், அதிகாரப்பூர்வ உத்தரவுகளைப் புறக்கணிப்பதற்கும், எதிர்காலத்தில் எந்தப் பிரச்சினையும் ஏற்படுத்தாமல் இருப்பதற்கும் அவர் புகார் தாரரிடம் மொத்தம் 8 லட்சம் ரூபாய் லஞ்சம் கேட்டுள்ளார். அதில் முதற்கட்டமாக, 4 லட்சம் ரூபாய் லஞ்சப் பணத்தை அவர் பெற்றபோது கையும் களவுமாக ஊழல் தடுப்புப் பிரிவு அதிகாரிகளிடம் மாட்டிக்கொண்டார்.

அதிகாரி சுனிதாவிடம் நடத்திய சோதனையில், அவர் வாங்கிய 4 லட்சம் ரூபாய் லஞ்சப் பணத்தை ஊழல் தடுப்புப் பிரிவு அதிகாரிகள் மீட்டதோடு, கணக்கில் வராத கூடுதல் ரொக்கப் பணமாக 2.5 லட்சம் ரூபாயையும் அவரிடமிருந்து பறிமுதல் செய்தனர். இந்த அதிரடி வேட்டையைத் தொடர்ந்து, அவர் மீது ஊழல் தடுப்புச் சட்டத்தின் கீழ் வழக்குப் பதிவு செய்யப்பட்டுத் தீவிர விசாரணை நடத்தப்பட்டு வருகிறது. அரசு அதிகாரிகள் லஞ்சம் வாங்கும் இத்தகைய சம்பவங்களைத் தடுக்கவும், ஊழல் புகார்களைத் தெரிவிக்கவும் பொதுமக்கள் ஊழல் தடுப்புப் பிரிவை அணுகலாம் என அதிகாரிகள் தரப்பில் தெரிவிக்கப்பட்டுள்ளது.