உணவு, தண்ணீர், செல்போன் இல்லை… 6 நாட்கள் அடர்ந்த காட்டில் மரணத்தோடு போராடிய சிறுவன்… உயிர் பிழைக்க வைத்த அந்த ஒரு பொருள் எது..?

ஆஸ்திரேலியாவில் உள்ள கிப்ச்லாந்து வனப்பகுதியில் நண்பர்களுடன் முகாமிடச் சென்ற 17 வயது சிறுவன் வில்லியம், வழிதவறி அடர்ந்த காட்டுக்குள் மாட்டிய நிலையில், 6 நாட்களுக்குப் பிறகு அதிசயமாக மீட்கப்பட்டுள்ளார். தன் செல்போன், உணவு மற்றும் தண்ணீர் ஏதுமின்றி கடுமையான குளிரிலும் கரடுமுரடான வனப்பகுதியிலும் போராடிய இந்தச் சிறுவன், ஹெல்த்படையினர் மூலம் பத்திரமாக மீட்கப்பட்டு தாயுடன் இணைந்துள்ள சம்பவம் உலக அளவில் நெகிழ்ச்சியை ஏற்படுத்தியுள்ளது.

நவம்பர் 6 அன்று முகாமைவிட்டு வெளியேறிய வில்லியம், குறிப்பிட்ட நேரத்திற்குத் திரும்பாததால் அவரது நண்பர் உடனடியாகக் காவல்துறைக்குத் தகவல் அளித்தார். இதனையடுத்து காவல்துறையினர், மீட்புப் படையினர் மற்றும் ஏராளமான தன்னார்வலர்கள் இணைந்து தீவிர தேடுதல் வேட்டையில் ஈடுபட்டனர். வனப்பகுதியின் அடர்த்தி மற்றும் மோசமான சூழல் காரணமாகத் தேடுதல் பணி சவாலாக இருந்தபோதிலும், 6 நாட்களாக வின்ச் ஹெல்த்படைகள் வான்வழித் தேடுதலில் தீவிரமாக ஈடுபட்டன.

தேடுதல் பணியின் போது ஸ்டோனி கிரீக் அருகே பாறையின் மீது சிறுவன் படுத்திருப்பதைக் கண்டுபிடித்த மீட்புக் குழுவினர், உடனடியாக அங்கிருந்து அவரை மீட்டனர். காட்டுப்பகுதியில் சிக்கியிருந்த நாட்களில் அருகில் இருந்த ஓடை நீரைக் குடித்தும், தன்னிடம் இருந்த சிறிதளவு சிப்ஸ்களைச் சுவைத்தும், துண்டுகளைப் போர்வையாகப் பயன்படுத்தியும் அவர் தன்னைத் தற்காத்துக் கொண்டுள்ளார். மீட்கப்பட்ட பிறகு தனது தாயை உவகையுடன் கட்டித் தழுவிய அந்தச் சிறுவன், மேல் சிகிச்சைக்காக மருத்துவமனைக்கு அழைத்துச் செல்லப்பட்டார்.