டேய் யாருக்கிட்ட?!”காகத்தின் அலகை நறுக்கெனக் கவ்வி அலறவிட்ட எலி… இணையத்தைக் கலக்கும் வைரல் வீடியோ..!!

நகர்ப்புறங்களில் உணவு தேடும் காகங்களும் எலிகளும் எதிர்ப்படுவது வழக்கம் என்றாலும், வழக்கமாக காகங்களே தன் சுறுசுறுப்பாலும் புத்திசாலித்தனத்தாலும் வெற்றிபெறும். ஆனால், தற்போது வைரலாகும் வீடியோவில் இந்த நிலை தலைகீழாக மாறியுள்ளது. ஒரு காகம் எலியை அச்சுறுத்த அல்லது தாக்க அதன் அருகில் நெருங்கியபோது, அந்த எலி சற்றும் எதிர்பாராத விதமாகப் பாய்ந்து காகத்தின் அலகை தன் வாயால் மிக உறுதியாகக் கவ்விப் பிடித்துக்கொண்டது.

தன் அலகு எலியின் பிடியில் சிக்கியதால் அதிர்ச்சியடைந்த காகம், இறகுகளை அடித்துக்கொண்டும் தலையை பலமாக ஆட்டிக்கொண்டும் தப்ப முயன்றது. ஆனால், எலி தன் பிடியைச் சிறிதும் தளர்த்தாமல் பல நொடிகள் உறுதியாகப் பிடித்துக் கொண்டது. காகங்கள் மனிதர்களின் முகங்களை அடையாளம் காணும் அளவுக்குப் புத்திசாலித்தனம் மிக்கவையாகக் கருதப்பட்டாலும், தன் உயிரைக் காப்பாற்றிக் கொள்ள ஒரு சிறிய எலி காட்டிய தைரியமும் தன்னம்பிக்கையும் அனைவரையும் வியப்பில் ஆழ்த்தியுள்ளது.

https://www.instagram.com/reel/DbYARXhIWGy/?utm_source=ig_web_button_share_sheet

இந்த சுவாரசியமான வீடியோ @goodluck_traveller என்ற இன்ஸ்டாகிராம் பக்கத்தில் பகிரப்பட்டு, இதுவரை லட்சக்கணக்கான பார்வையாளர்களையும் ஆயிரக்கணக்கான கருத்துகளையும் பெற்றுள்ளது. எலியின் வீரம் மற்றும் பின்வாங்காத குணத்தைப் பாராட்டிய பயனர்கள், “காகத்திற்குத் தன் வாழ்நாளில் எதிர்பார்க்காத எதிரி கிடைத்துவிட்டான்” என்றும், ஆபத்தான சூழலில் மிகச்சிறிய உயிரினமும் தன் முழு பலத்தையும் வெளிப்படுத்தும் என்பதற்கு இதுவே சான்று என்றும் கருத்து தெரிவித்து வருகின்றனர்.