“நான் திமுககாரன்..” என மிரட்டிப் பெண்ணை ஏமாற்றிய நிர்வாகி.. உதயநிதியை வறுத்தெடுத்த தவெக ஐடி விங்.. பரபரக்கும் அரசியல் களம்..!! – cinefeeds
Connect with us

LATEST NEWS

“நான் திமுககாரன்..” என மிரட்டிப் பெண்ணை ஏமாற்றிய நிர்வாகி.. உதயநிதியை வறுத்தெடுத்த தவெக ஐடி விங்.. பரபரக்கும் அரசியல் களம்..!!

Published

on

கள்ளக்குறிச்சி வடக்கு மாவட்ட திமுக இளைஞரணி நிர்வாகி ஒருவர், பெண்ணை திருமணம் செய்து கொள்வதாக ஆசை வார்த்தை கூறி ஏமாற்றியதோடு, அவரிடமிருந்து பெருமளவில் பணத்தையும் பறித்துள்ளதாக எழுந்துள்ள புகார் தமிழக அரசியலில் பரபரப்பை ஏற்படுத்தியுள்ளது. மேலும், பாதிக்கப்பட்ட அந்தப் பெண்ணை மிரட்டும்போது, “நான் திமுககாரன்” என்ற அதிகாரத் தோரணையிலான வசனத்தை அந்த நிர்வாகி பயன்படுத்தியதாகவும் குற்றம் சாட்டப்பட்டுள்ளது. இந்தச் சம்பவத்தைச் சுட்டிக்காட்டி, தமிழக வெற்றிக் கழகத்தின் தகவல் தொழில்நுட்பப் பிரிவு தனது அதிகாரப்பூர்வ ‘எக்ஸ்’ தளப் பக்கத்தில் ஆளும் திமுக தலைமையிடம் கடுமையான கேள்விகளை எழுப்பியுள்ளது.

அந்தப் பதிவில், தங்கள் கட்சியின் இளைஞரணி நிர்வாகியின் இந்தச் செயல் குறித்து மு.க.ஸ்டாலின் இப்போது வாயைத் திறந்து பதில் கூறுவாரா என்றும், இளைஞரணிச் செயலாளர் உதயநிதி ஸ்டாலின் இப்போது வந்து ஏதாவது பேசுவாரா என்றும் தவெக ஐடி விங் காட்டமாக வினவியுள்ளது. முன்பு எதிர்க்கட்சிகளை விமர்சிக்கும்போது ‘பாலியல் சுரண்டல் கழகம்’ என்று மு.க.ஸ்டாலின் கூறிய வார்த்தைகள், உண்மையில் அவரது சொந்தக் கட்சியைப் பார்த்துச் சொன்னதுதான் என்பது இந்தச் சம்பவத்தின் மூலம் தற்போது நிரூபணமாகியுள்ளதாகவும் தவெக தனது பதிவில் கடுமையாகச் சாடியுள்ளது.

Advertisement
Continue Reading
Advertisement

Copyright © 2023 www.cinefeeds.in