பார்டர்ல செம காமெடி..! “தூக்கி அடிச்சிருவேன் பாத்துக்கோ”  இது என்ன டான்ஸா…?” பாகிஸ்தான் வீரரை ஒரே சைகையில் கலாய்த்த இந்திய வீரர்… வைரல் வீடியோ..!!

இந்தியா-பாகிஸ்தான் எல்லையான வாகா-அட்டாரியில் நடைபெறும் புகழ்பெற்ற “கொடி இறக்கும்” நிகழ்வின் போது, பாகிஸ்தான் ரேஞ்சர் அதிகாரி ஒருவர் தன் வீரத்தைக் காட்டுவதற்காகக் காற்றில் காலை வேகமாக உதைத்து, கைகளை உயர்த்திக் குதித்து விசித்திரமான முறையில் அசைவுகளைச் செய்தார். அவரது இந்த அசைவுகள் ஏதோ நடனமாடுவது போல் அசாதாரணமாக அமைந்தன.

பாகிஸ்தான் வீரரின் இந்த விசித்திரமான அசைவைக் கண்ட இந்திய எல்லைப் பாதுகாப்புப் படை ஜவான், எவ்வித பதற்றமும் இன்றி சைகையிலேயே “என்ன இது, இப்படி என்ன செய்கிறாய்?” எனக் கேட்பது போலக் கிண்டலாகக் கேட்டு அவரை நகைச்சுவைக்கு உள்ளாக்கினார். தொடர்ந்து, தனது புஜங்களின் பலத்தைக் காட்டி, தேவைப்பட்டால் அவரைத் தூக்கி வீசி எறிவது போலச் சைகை செய்து தனது கம்பீரத்தையும் வலிமையையும் வெளிப்படுத்தினார். BSF ஜவானின் இந்த சாதுர்யமான பதிலடி, அங்கிருந்த பார்வையாளர்கள் மத்தியில் பெரும் சிரிப்பையும் உற்சாகத்தையும் ஏற்படுத்தியது.

https://www.instagram.com/reel/DbA6aT8SJDH/?utm_source=ig_web_button_share_sheet

சமூக வலைதளங்களில் வைரலாகி வரும் இந்த வீடியோ குறித்து இணையவாசிகள் BSF ஜவானின் துணிச்சலையும், ஒரு வார்த்தை கூடப் பேசாமல் தனது உடல் மொழியால் எதிராளியைத் தன் வசப்படுத்திய விதத்தையும் வெகுவாகப் பாராட்டி வருகின்றனர். “இந்திய வீரர் பாகிஸ்தான் ரேஞ்சரைச் சைகையிலேயே கிண்டல் செய்துவிட்டார்” என்றும், “BSF ஜவானின் கம்பீரமான நடை மற்றும் ஒழுக்கத்தின் முன் பாகிஸ்தான் வீரரின் செயல் கேலிக்கூத்தாகிவிட்டது” என்றும் கருத்துகளைப் பதிவிட்டு வருகின்றனர்.