“என் பிள்ளை பொழச்சிருவான்..!” 23 மாதப் போராட்டத்திற்குப் பின் 8 வயது சிறுவனுக்கு நடந்த மிராக்கிள்.. படுக்கையை விட்டு நகராமல் கண்ணீர் சிந்திய தாய்… நெகிழ்ச்சி பின்னணி..!!

ஹரியானா மாநிலம் ரோஹ்தக்கில் உள்ள பிஜிஐஎம்எஸ் மருத்துவமனை மருத்துவர்கள், மரணத்தின் விளிம்பிலிருந்து 8 வயது சிறுவனை மீட்டு அவனுக்குப் புதிய வாழ்க்கையைத் தந்துள்ளனர். கடந்த 2024-ஆம் ஆண்டு அக்டோபர் 5-ஆம் தேதி, கடுமையான காய்ச்சல், பக்கவாதம் போன்ற கை, கால்களை அசைக்க முடியாத நிலை மற்றும் மயக்கமடைந்த சூழலில் இந்தச் சிறுவன் மருத்துவமனையில் அனுமதிக்கப்பட்டான். அவனது உடல்நிலை மிகவும் மோசமடைந்ததால், சுமார் 23 மாதங்களாக 100 சதவீத ஆக்ஸிஜன் மற்றும் முழுமையான வென்டிலேட்டர் செயற்கை சுவாசக் கருவியின் ஆதரவோடு மட்டுமே அவனது உயிர் காக்கப்பட்டு வந்தது. தற்பொழுது முழுமையாகக் குணமடைந்த அந்தச் சிறுவன் பத்திரமாகத் தனது வீட்டிற்குத் திரும்பியுள்ளான்.

இந்தக் கடுமையான 23 மாதப் போராட்டத்தின் போது, அவனது தாய் ஒரு நொடி கூடத் தனது மகனின் படுக்கையை விட்டு நகராமல், கண்ணிமைக்காமல் அருகிலேயே இருந்து அன்போடு கவனித்துக் கொண்டார். மருத்துவர்களின் அசாத்திய திறமையும், தாயின் தளராத பாசமும் இணைந்தே இந்த அதிசயத்தை நிகழ்த்தியுள்ளதாக மருத்துவமனை தரப்பில் நெகிழ்ச்சியுடன் தெரிவிக்கப்பட்டுள்ளது. மருத்துவர்களாலேயே கைவிடப்படும் நிலைக்குச் சென்று, பின்னர் புதுவாழ்வு பெற்றுள்ள இந்தச் சிறுவனின் கதை தற்பொழுது சமூக வலைத்தளங்களில் பலரையும் நெகிழ்ச்சியடையச் செய்துள்ளது.